„გორის დღე 2023“ 8 ოქტომბერს გაიმართება. ამის შესახებ ინფორმაციას გორის მუნიციპალიტეტის მერია ავრცელებს.
მათივე ცნობით, სახალხო დღესასწაულის ფარგლებში დაგეგმილი ღონისძიებები გორის თეატრის მიმდებარე ტერიტორიაზე 12:00 საათიდან დაიწყება.
ინფორმაციის მიხედვით, გაიმართება და სხვადასხვა სახის კულტურული, საგანმანათლებლო და სპორტული სანახაობები და აქტივობები.
„12:30 საათზე დაიწყება კონცერტი ადგილობრივი შემსრულებლების მონაწილეობით. ასევე, გაიმართება „ლუდის ფესტივალი“.
ღონისძიებაზე წარმოდგენილი იქნება საგანმანათლებლო დაწესებულებების კუთხეები ადგილობრივი მეწარმეების პროდუქციისა და ხელოვანების ნამუშევრების გამოფენა - გაყიდვა, კვების ობიექტებისა და სოფლების კუთხეები, საბავშვო გასართობი სივრცეები და ატრაქციონები, ტურისტული კუთხე - „ჯიპ - ტური“.
„გორის დღე 2023 “- ს გალა-კონცერტი დაასრულებს. კონცერტში, რომელიც 19:00 საათზე დაიწყება, მონაწილეობას მიიღებენ „ქიმერა“, ადგილობრივი ბენდი SOFT WAVE და „მგზავრები“, - ნათქვამია ინფორმაციაში.