შალვა პაპუაშვილი თეონა აქუბარდიას - ქვეყანაში, რომელსაც არ აქვს ნატო-ს უსაფრთხოების ქოლგა და საერთაშორისო უსაფრთხოების გარანტია, ერთადერთი უსაფრთხოების ქოლგა არიან უსაფრთხოების სამსახურის თანამშრომლები - მოგიწოდებთ პატივი სცეთ მათ

წელიწადნახევარია რეგიონში მიდის ერთ-ერთი ყველაზე მასშტაბური ომი. წელიწადნახევარია, ამ ქვეყანაში არც ერთი უსაფრთხოების რისკის რეალიზება არ მომხდარა, - ასე მიმართა საქართველოს პარლამენტის თავმჯდომარემ შალვა პაპუაშვილმა ოპოზიციონერ დეპუტატს თეონა აქუბარდიას, რომელიც საქართველოს უსაფრთხოების სამსახურის გამოძიების შესახებ საუბრობდა.

როგორც შალვა პაპუაშვილმა აღნიშნა, ქვეყანაში, რომელსაც არ გააჩნია ნატო-ს უსაფრთხოების ქოლგა და ასევე, საერთაშორისო უსაფრთხოების გარანტია, ქვეყნის უსაფრთხოება საქართველოს უსაფრთხოების სამსახურის თანამშრომლებზე და ოფიცრებზე დგას.

„ქვეყანაში, რომელსაც არ აქვს ნატო-ს უსაფრთხოების ქოლგა და არანაირი საერთაშორისო უსაფრთხოების გარანტია, ერთადერთი უსაფრთხოების ქოლგა, რაც უზრუნველყოფს, რომ ამ წელიწადნახევრის განმავლობაში არც ერთი უსაფრთხოების რისკის რეალიზება არ მომხდარა, არიან საქართველოს უსაფრთხოების სამსახურის თანამშრომლები და ოფიცრები. როდესაც თქვენ ასე აგდებულად საუბრობთ სახელმწიფო უსაფრთხოების სამსახურის გამოძიებაზე და აქედან გამომდინარე განცხადებაზე, პარლამენტის წევრი, რომელიც ხართ თავდაცვისა და უსაფრთხოების კომიტეტის თავმჯდომარის მოადგილე და ასევე, პოზიციონირებთ ხოლმე უსაფრთხოების ექსპერტად და უაპელაციოდ ნდობას უცხადებთ ხოლმე უცხო ქვეყნების უსაფრთხოების სამსახურებს და ადმინისტრაციებს და უაპელაციოდ უნდობლობას უცხადებთ საქართველოს უსაფრთხოების სამსახურის თანამშრომლებს და ოფიცრებს, რომლის შრომის შედეგია თქვენ და ქვეყნის სხვა მოქალაქეების უსაფრთხოება, მოგიწოდებთ, პატივი სცეთ თქვენს ქვეყანას.

სამწუხაროდ, ბევრი ციტატა მოგაქვთ სხვა ქვეყნების წარმომადგენლების, გაქვთ დიდი ნდობა მათი და გაქვთ ნულოვანი ნდობა თქვენი ქვეყნის ოფიცრების მიმართ. ამიტომ ეცით პატივი მათ, როგორც კომიტეტის თავმჯდომარის მოადგილემ და უსაფრთხოების ექსპერტმა. კიდევ ერთი საკითხი - თქვენ უსაფრთხოების ექსპერტობა გგონიათ მარტო სტრატეგიის კითხვა და მოკითხვა“, - განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი