ანრი ოხანაშვილი - პრეცედენტი მოხდა საკონსტიტუციო სასამართლოს ისტორიაში, როცა პრეზიდენტის წარმომადგენლები სხდომის დარბაზიდან გაიქცნენ

დღეს, ალბათ, პირველი პრეცედენტი მოხდა საკონსტიტუციო სასამართლოს ისტორიაში, როცა პრეზიდენტის წარმომადგენლები სასამართლოს სხდომის დარბაზიდან გაიქცნენ , - ამის შესახებ ჟურნალისტებს საქართველოს პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა საკონსტიტუციო სასამართლოში პრეზიდენტის მიმართ საიმპიჩმენტო წარდგინების განხილვის დასრულების შემდეგ განუცხადა.

როგორც ოხანაშვილი აცხადებს, პრეზიდენტის წარმომადგენლებს ხვალ ყველა კითხვაზე მოუწევთ პასუხის გაცემა.

„აბსურდამდე მიდის მათი მსჯელობა, მსჯელობა და არა ლოგიკა და არგუმენტი. დღეს, ალბათ, პირველი პრეცედენტი მოხდა საკონსტიტუციო სასამართლოს ისტორიაში, როცა პრეზიდენტის წარმომადგენლები სასამართლოს სხდომის დარბაზიდან გაიქცნენ, თქვენ ნახეთ, ვერ გაუძლეს მარტივ შეკითხვებზე პასუხის გაცემას. აბსურდია ზუსტად მათი უსუსური მსჯელობა, რომ კონკრეტული საკითხები დააკნინონ, ყველაფერზე იმსჯელეს და დაიყვანეს ეს საკითხი, თითქოს, ეს საკითხი ტელეფონით კომუნიკაციამდე დადის, იქიდან გამომდინარე, რომ მათ არგუმენტები არ აქვთ, ოფიციალური ვიზიტით საქართველოს პრეზიდენტი რომ ჩადის სხვა ქვეყანაში და სხვა ქვეყნის მეთაურს ხვდება, ეს ოფიციალური ვიზიტი იყო თუ არა, თქვენ წარმოიდგინეთ, დრო დასჭირდათ, მოეფიქრებინათ რა უნდა ეპასუხათ. ბოლოს, იმდენად რთულ სიტუაციაში აღმოჩნდნენ, ამ სიტყვის პირდაპირი გაგებით, გაიქცნენ საკონსტიტუციო სასამართლოს სხდომათა დარბაზიდან. თუმცა, ვერ ასცდებიან ამ პასუხისმგებლობას რაც მათ აქვთ, ხვალ მოუწევთ ყველა შეკითხვაზე პასუხის გაცემა, ან მარტივად უნდა თქვან, რომ მათ პასუხი არ აქვთ, ესეც გამოჩნდება და რა თქმა უნდა, საკონსტიტუციო სასამართლოს შესაბამისი გადაწყვეტილების გამოტანის საშუალებას მისცემს“, - განაცხადა ოხანაშვილმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი