თამარ ჩუგოშვილი - თუკი საკონსტიტუციო სასამართლო გაითვალისწინებს და იმპიჩმენტის მოთხოვნას დაეთანხმება, ფაქტობრივად, სრულად აუკრძალავს პრეზიდენტს საგარეო მიმართულებით არსებობას

თუკი საკონსტიტუციო სასამართლო გაითვალისწინებს და იმპიჩმენტის მოთხოვნას დაეთანხმება, ფაქტობრივად, სრულად აუკრძალავს პრეზიდენტს საგარეო მიმართულებით არსებობას, ამიტომ ჩვენმა მოქალაქეებმა განსაჯონ, რას ნიშნავს, რამდენად ადეკვატური და რამდენად ნორმალურია , - ამის შესახებ პრეზიდენტ სალომე ზურაბიშვილის წარმომადგენელმა თამარ ჩუგოშვილმა საკონსტიტუციო სასამართლოში პრეზიდენტის საიმპიჩმენტო წარდგინების განხილვის დასრულების შემდეგ ჟურნალისტებს განუცხადა.

როგორც ჩუგოშვილი განმარტავს, აღნიშნული პროცესი ცალსახად პოლიტიკურია.

„[პრეზიდენტს] აბსოლუტურად არანაირი ქმედების განხორციელების უფლება არ აქვს მთავრობის თანხმობის გარეშე, ყველაფრის, მათ შორის, მოსაზრების გამოხატვაც კი მხოლოდ და მხოლოდ მთავრობის თანხმობით უნდა განხორციელდეს, რაც არის სრული აბსურდი, მეტ სიტყვას ვერ გამოვიყენებ. ეს არის რაღაც, რასაც მსოფლიოში საერთოდ ანალოგი არ აქვს. ვერ წარმომიდგენია, სასამართლომ როგორ შეიძლება არგუმენტაცია გამოიყენოს, რომ პრეზიდენტს, რომელიც ქვეყნის წარმომადგენელია საგარეო ურთიერთობებში, მთავრობის, მთელი განკარგულების გარეშე, საერთოდ არ აქვს უფლება, სხვა ქვეყნის ლიდერი რომ ურეკავს, ტელეფონს უპასუხოს. ეს წარმოუდგენელი რამეა, საერთოდ ვერ ვხვდები, როგორ მივიდნენ ასეთი რაღაცის თქმამდე. შესაბამისად, საკონსტიტუციო სასამართლო თუკი გაითვალისწინებს და დაეთანხმება იმპიჩმენტის მოთხოვნას, ფაქტობრივად, სრულად აუკრძალავს პრეზიდენტს საგარეო მიმართულებით არსებობას, ამიტომ თვითონ განსაჯეთ, ჩვენმა მოქალაქეებმა განსაჯონ, ეს რას ნიშნავს, რამდენად ადეკვატურია და რამდენად ნორმალურია, მე მიმაჩნია, რომ ნორმალური არ არის.

რა თქმა უნდა, პოლიტიკური პროცესია ცალსახად და ამას არვინ აყენებს კითხვის ნიშნის ქვეშ, რადგან იმპიჩმენტის პროცედურის აღძვრა თავისთავად პოლიტიკური გადაწყვეტილებაა, იმპიჩმენტის დაწყებაც და მისი დასრულებაც პოლიტიკოსების და პოლიტიკური ორგანოს, პარლამენტის ხელშია - ეს რომ პოლიტიკური პროცესია, ამას არავინ აყენებს კითხვის ნიშნის ქვეშ, თვითონ პარლამენტიც და ამ პროცესის დამწყებებიც და წამომწყებებიც. საინტერესოა, რას ემსახურება, რატომ, როდის, რა თემაზე დაიწყო - დაიწყო როდის? - როცა კანდიდატის სტატუსთან დაკავშირებით გადაწყვეტილებას მივუახლოვდით და რა თემაზე დაიწყო? რომ ამ თემაზე ჩვენი პრეზიდენტი ევროკავშირის წევრი ქვეყნების პრეზიდენტებს ხვდებოდა“, - განაცხადა ჩუგოშვილმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი