კახა კალაძე მაია კოპალეიშვილზე - თუ ამ ადამიანისთვის საამაყოა, რაც 2012 წლამდე ხდებოდა ქვეყანაში, ვფიქრობ, განაჩენს საზოგადოება გამოიტანს

თბილისის მერის, კახა კალაძის განცხადებით, საზოგადოება გამოუტანს განაჩენს ყველა იმ ადამიანს და პოლიტიკურ პარტიას, ვისთვისაც საამაყოა ის ვითარება, რაც „ნაციონალური მოძრაობის“ მმართველობის პირობებში იყო საქართველოში.

ამის შესახებ მან ჟურნალისტებს საკონსტიტუციო სასამართლოში პრეზიდენტის იმპიჩმენტის საკითხზე მიმდინარე პროცესზე სალომე ზურაბიშვილის წარმომადგენლის, მაია კოპალეიშვილის შესაბამისი განცხადების კომენტირებისას განუცხადა.

„არ ვიცნობ ამ ადამიანს და გამიჭირდება შეფასების გაკეთება, თუმცა ერთი რამ ცხადია: ჩვენ ყველას კარგად გვახსოვს, 2012 წლამდე რა რეჟიმი იყო დამყარებული ქვეყანაში, როგორ წარიმართებოდა ყოველდღიური პოლიტიკური პროცესები, როგორი იყო ჩვენი ქვეყნის მოსახლეობის ყოველდღიური ყოფა. ნამდვილად არ მინდა, კიდევ ერთხელ შევახსენო საზოგადოებას ის მძიმე ვითარება, რომელშიც მაშინდელი ხელისუფლება ამყოფებდა ჩვენი ქვეყნის მოსახლეობის უმრავლესობას - რა მდგომარეობა იყო სიტყვისა და გამოხატვის თავისუფლების მიმართულებით, მედიის მიმართულებით, ბიზნესსექტორის მიმართ რა დამოკიდებულება იყო, როგორ ეპყრობოდნენ ციხეებში მსჯავრდებულებს. ეს თუ საამაყოა ამ ადამიანისთვის, განაჩენს, ვფიქრობ, საზოგადოება გამოუტანს ყველა ასეთ ადამიანს, ყველა პოლიტიკურ პარტიას თუ პოლიტიკოსს.

ბევრჯერ მითქვამს და მინდა, კიდევ ერთხელ ხაზი გავუსვა, რომ უბრალოდ ვერ წარმომიდგენია, როგორ შეიძლება ქვეყნის მთავრობამ, პოლიტიკურმა ძალამ იკადროს ის და აკადროს ქვეყნის მოსახლეობას, რაც „ნაციონალურმა მოძრაობამ“ იკადრა თავისი მმართველობის პერიოდში. უმძიმესი იყო ის 9-წლიანი მმართველობა. ამდენად, ბოლო წლების განმავლობაში ჩვენი ქვეყნის მოსახლეობა სცემს შესაბამის პასუხს იმ სისხლიან რეჟიმს, რომელსაც „ნაციონალური მოძრაობა“ წარმოადგენდა“, - განაცხადა კახა კალაძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი