გარდაბნის მუნიციპალიტეტის ცენტრალურ პარკში, სახალხო დღესასწაული „გარდაბნობა 2023” აღინიშნა

გარდაბნის მუნიციპალიტეტის ცენტრალურ პარკში, სახალხო დღესასწაული “გარდაბნობა 2023” აღინიშნა.

გარდაბნის მუნიციპალიტეტის ინფორმაციით, ღონისძიების ფარგლებში მოეწყო საგამოფენო სივრცეები, გაიმართა ადგილობრივი მეწარმეების პროდუქციის გამოფენა-გაყიდვა, ჩატარდა კულინარიული მასტერკლასები და ეთნიკური კერძების დეგუსტაცია.

პარალელურად მიმდინარეობდა ხალხური ანსამბლების მუსიკალური წარმოდგენა.

ღონისძიების ოფიციალური ნაწილი ფოლკლორულმა ანსამბლმა "ბეთანიამ“ სიმღერა ,,მრავალჟამიერით“ გახსნა.

შეკრებილ საზოგადოებას გარდაბნობის სახალხო დღესასწაული ადგილობრივი ხელისუფლების წარმომადგენლებთან ერთად, გარდაბნის ღვთისმშობლის შობის სახელობის ტაძრის დეკანოზმა მამა ზურაბ ხაჩიძემ მიულოცა.

,,გარდაბნობის“ ფარგლებში ტრადიციულად დასახელდნენ 2023 წლის გარდაბნის საპატიო მოქალაქეები, რომელთაც სპეციალური სიგელები და სიმბოლური საჩუქრები გარდაბნის მუნიციპალიტეტის მერმა დავით კარგარეთელმა, საკრებულოს თავმჯდომარე მიხეილ გედეხაურმა, ქვემო ქართლში სახელმწიფო რწმუნებულმა გიორგი დოხტურიშვილმა, რწმუნებულის მოადგილეებმა გიორგი შინჯიკაშვილმა და ნიკა კობახაძემ და მარნეულის მუნიციპალიტეტის საკრებულოს თავმჯდომარემ ამირან გიორგაძემ გადასცეს.

ღონისძიება მუსიკალურად გააფორმეს ანდრია გველესიანმა და აფიკ ნოვრუზოვმა. საღამო გრანდიოზული ფეიერვერკის ფონზე ჯგუფმა Reggaeon-მა დაასრულა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024