USAID მედია პროგრამის მხარდაჭერით, „საქართველოს ახალგაზრდა იურისტთა ასოციაციამ“ ჟურნალისტებისთვის პრაქტიკული სახელმძღვანელო შეიმუშავა

USAID მედია პროგრამის მხარდაჭერით, „საქართველოს ახალგაზრდა იურისტთა ასოციაციამ“ საჯარო ინფორმაციის მიღების საკითხებთან დაკავშირებით, ჟურნალისტებისთვის პრაქტიკული სახელმძღვანელო შეიმუშავა.

საია-ს იურისტის, ტატა ჭანკვეტაძის თქმით, მედიის წარმომადგენლები ხშირად აწყდებიან სირთულეებს საჯარო ინფორმაციის მიღება-გამოთხოვის პროცესში და საჭიროებენ სამართლებრივ დახმარებას. მისივე განცხადებით, ჟურნალისტებს არ მიეწოდებათ მოთხოვნილი მონაცემები, ან მიეწოდებათ არასრული სახით და კანონმდებლობით განსაზღვრული ვადების დარღვევით და ინფორმაციის გამოთხოვა - მიღების პროცესში მედია სამართლებრივ დახმარებას საჭიროებს. როგორც ის აღნიშნავს, საჯარო დაწესებულებების ამგვარი მიდგომა ხელს უშლის ჟურნალისტებსა და მედია ორგანიზაციებს დაუბრკოლებლად საქმიანობაში.

„გზამკვლევში მითითებული საკითხები დაეხმარება ჟურნალისტებს საჯარო ინფორმაციის გამოთხოვა - მიღების პროცესში. მნიშვნელოვანია, ჟურნალისტებმა იცოდნენ განეკუთვნება თუ არა მათთვის საინტერესო მასალა საჯარო ინფორმაციის კატეგორიას. როგორ, რა ფორმით და რა ვადაში შეუძლიათ მოითხოვონ და მიიღონ ინფორმაცია. საჯარო ინფორმაციის მიწოდებაზე უარის თქმის შემთხვევაში გამოიყენონ გასაჩივრების ალტერნატიული მექანიზმები. ჩვენი მიზანი იყო, შეგვექმნა დოკუმენტი, რომელიც მაქსიმალურად სრულყოფილად ასახავდა საჯარო ინფორმაციაზე ხელმისაწვდომობის საკითხებს და ჟურნალისტების მასზე წვდომას უფრო ეფექტურს გახდიდა “, - აცხადებს „ახალგაზრდა იურისტთა ასოციაციის“ იურისტი ტატა ჭანკვეტაძე.

„მედია ორგანიზაციების წვდომა საჯარო ინფორმაციაზე მკვეთრად ზრდის საზოგადოების ინფორმირებულობის ხარისხს და სრულყოფს ჟურნალისტურ პროდუქტს“, - აღნიშნავს USAID მედია პროგრამის მრჩეველი მედიის საკითხებში რუსუდან ცხომელიძე.

მისი თქმით, „მაშინაც კი, როცა ჟურნალისტი ვერ იღებს გამოთხოვილ საჯარო ინფორმაციას, მნიშვნელოვანია, მონაცემები ზედმიწევნით სწორად იყოს გამოთხოვილი და ჟურნალისტის შეცდომა არ გახდეს ინფორმაციის გაცემაზე უარის თქმის დამატებითი შესაძლებლობა“.

სახელმძღვანელო „როგორ გამოვითხოვოთ საჯარო ინფორმაცია“ მოიცავს შემდეგ საკითხებს: რა სახის მასალა განეკუთვნება საჯარო ინფორმაციას; ვინ ფლობს საჯარო ინფორმაციას და ვის აქვს მისი გაცემის ვალდებულება; რა სახის მასალა არ განეკუთვნება საჯარო ინფორმაციას და ექცევა საიდუმლო ინფორმაციის ფარგლებში; როგორია საჯარო ინფორმაციის მოთხოვნის ფორმა და გაცემის ვადა; როგორია საჯარო ინფორმაციის მიწოდებაზე უარის გასაჩივრების პროცედურა; სასამართლოში საქმის განხილვასთან დაკავშირებული პრაქტიკული საკითხები. ასევე, გზამკვლევზე თანდართულია საჯარო ინფორმაციის გამოთხოვის თაობაზე განცხადების შაბლონი და საჯარო ინფორმაციის მიწოდებაზე უარის თქმის შესახებ გადაწყვეტილების გასაჩივრებისთვის ადმინისტრაციული საჩივრის შაბლონი.

გზამკვლევი ხელმისაწვდომია ბმულზე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024