ჩხოროწყუს მუნიციპალიტეტის სამ სკოლაში საპროტესტო აქციები გაიმართა. მასწავლებლების ნაწილმა და მოსწავლეებმა სკოლების დირექტორებთან ხელშეკრულების შეწყვეტა გააპროტესტეს. ისინი იმ ადამიანების დატოვებას ითხოვენ, ვინც აღნიშნულ პოზიციას აქამდე იკავებდა.
აქციის მონაწილეები გადაწყვეტილებას უსამართლოს უწოდებენ და განათლების მინისტრთან შეხვედრას ითხოვენ.
„ძალიან უსამართლო გადაწყვეტილება.მიიღეს. მინისტრს ვთხოვთ ეს უსამართლო გადაწყვეტილება შეცვალოს. უსამართლობის შეგრძნება მაქვს. ფიზიკურად ვერ მოვახერხე, რომ კლასში შევსულიყავი და გაკვეთილი ჩამეტარებინა. არ ვიცი, ჩვენ ქვეყანაში ამ უსამართლობას ბოლო როდის მოეღება. მოვიდეს მინისტრი ჩვენთან რაიონში და გაგვესაუბროს პედაგოგებს, ბოლო ორი მინისტრი არც ვიცი ვინ იყო და ვინ არის“,- განაცხადა ხელოვნების მასწავლებელმა ნანა გაბელიამ.
ჩხოროწყუს სკოლების მასწავლებლები და მოსწავლეები პროტესტის გაგრძელებას აანონსებენ.