იაგო ხვიჩია - ბატონი კობახიძე საკუთარ კონსტიტუციას ძალიან ცუდად ეპყრობა - სალომე ზურაბიშვილის იმპიჩმენტი რომ ვერ შედგეს, არ გამიკვირდება ბოლოს თქვან, ვხუმრობდით ჩვენ ასეო

ხუმრობა, რომელსაც განმარტებები დასჭირდა, წარმატებული ვერ გამოდგა, თორემ არ დასჭირდებოდა განმარტებები, ისედაც გაგიგებდნენ, რომ იხუმრე და გაიცინებდნენ, მაგრამ ასე არ გამოვიდა, - ასე გამოეხმაურა „გირჩის“ ლიდერი იაგო ხვიჩია ტელეკომპანია „პალიტრანიუსის“ გადაცემაში „360 გრადუსი“ უმრავლესობის ლიდერის, მამუკა მდინარაძის კომენტარს, რომლის მიხედვითაც, ირაკლი კობახიძემ იხუმრა, როცა თქვა, რომ „შეკრებებისა და მანიფესტაციების შესახებ“ კანონი პრეზიდენტის ხელმოწერის გარეშე შევიდოდა ძალაში.

ხვიჩიას განმარტებით, ახლა „ქართულ ოცნებას“ თავისივე არჩეული პრეზიდენტი ჰყავს გადასაყენებელი.

„ზოგადად, მე მგონი, ბატონი კობახიძე საკუთარ კონსტიტუციას ძალიან ცუდად ეპყრობა. სალომე ზურაბიშვილის იმპიჩმენტი რომ ვერ შედგეს, არ გამიკვირდება ბოლოს თქვან, ვხუმრობდით ჩვენ ასეო. „ქოცებს“ თავიანთი არჩეული პრეზიდენტი ჰყავთ გადასაყენებელი, ოპოზიციას არ უნდა ამაში ჩარევა. წარმოიდგინეთ, მილიარდები რომ აქვს ის პარტია, რომელიმე ოპოზიციონერთან მივიდეს და უთხრას, ამდენ მილიონს გადაგიხდითო, რაღაც მილიონზე ხომ ყველა დავთანხმდებით? 100 მილიონზე ხომ ყველა დათანხმდება? უბრალოდ ძვირის გადამხდელებს არ ჰგვანან“, - განაცხადა ხვიჩიამ.

კითხვაზე, მიმდინარეობს თუ არა, ოპოზიციის გარკვეულ ნაწილთან მმართველი ძალის მხრიდან ვაჭრობა ხმების მოსაგროვებლად, ხვიჩია ასე პასუხობს: „ჩემამდე არავინ მოსულა და არავის არ უთქვამს, ამდენს ვიხდითო“.

„ჩემთან ადრეც არ მოსულან, როცა იუსტიციის საბჭოს ამბები ირკვეოდა, ან სხვა ამბები რომ ირკვეოდა, თავიანთთვის არკვევენ, ვისთანაც ამ თვალსაზრისით ალბათ, მიესვლებათ... არსებობს რაღაც გარკვეული რადიკალური პოზიციები „ნაცმოძრაობაში“, რომლებიც ამბობენ, ჩვენ სალომეს რატომ ვიცავთ, თუ პრეზიდენტს არ შეიწყალებსო და ა.შ. მე მომისმენია გია ბარამიძე მსგავსს, რომ ამბობდა, ისეთი ხალხი, რომელიც მიშას გულშემატკივარია და კიდევ სხვა ადამიანები, ასეთ პოზიციებს აჟღერებენ.

როგორც ჩანს, მე უკეთესი წარმოდგენა მაქვს ჩემ კოლეგებზე და ვთქვი, ვინაიდან საჯაროდ ასეთი ამბავი გახურდა, „ქართული ოცნებაც“ ბევრის გადამხდელს არ ჰგავს, სერიოზულ „კუშებზე“ რომ იყოს საუბარი, ხალხმა ცხოვრება აიწყოს და ა.შ. მგონია, რომ უფრო ჩავარდნისკენ მიდის ეს პროცესი“, - განაცხადა ხვიჩიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024