ნინო ლაცაბიძე - ყველა ვთანხმდებით, რომ აზოტის საწარმოში, რუსთაველებისთვის სამუშაო პირობები უნდა გაუმჯობესდეს და ეკოლოგიის მიმართულებით, მმართველმა კომპანიამ უფრო ძლიერი და ეფექტიანი ნაბიჯები უნდა გადადგას

რუსთავის მერი ნინო ლაცაბიძე, სს საზოგადოება ,,რუსთავის აზოტის“ მმართველი „ინდორამა კორპორაციის ( Indorama Corporation)“ თავმჯდომარეს შრი პრაკაშ ლოჰიას და ვიცე-თავმჯდომარე ამიტ ლოჰიას შეხვდა.

ინფორმაციას ამის შესახებ რუსთავის მერია ავრცელებს.

მათივე ცნობით, შეხვედრაზე ნინო ლაცაბიძემ, ,,რუსთავის აზოტი-ინდორამას“ გენერალურმა დირექტორმა ლევან ბურდილაძემ და ,,ინდორამა კორპორაციის“ თავმჯდომარემ, საწარმოში მიმდინარე და უკვე განხორციელებულ ინვესტიციებზე, დასაქმებულთათვის შრომითი პირობების გაუმჯობესებაზე, გარემოსდაცვითი პასუხისმგებლობის შესახებ კანონით გათვალისწინებულ პროექტებზე და ამ მიმართულებით დანერგილ ახალ ტექნოლოგიებზე ისაუბრეს.

რუსთავის მერის ნინო ლაცაბიძის განცხადებით, გამართული შეხვედრების მთავარი მიზანი და მოთხოვნა საწარმოში დასაქმებულთა სამუშაო პირობების გაუმჯობესება და გარემოს დაცვის კუთხით ინვესტიციების განხორციელება იყო.

„რუსთავის აზოტთან“, რომელსაც ახალი მმართველი - „ინდორამა კორპორაცია“ ჰყავს, ბოლო პერიოდში რამდენიმე შეხვედრა გვქონდა. მთავარი მიზნები და ჩვენი მოთხოვნები, საწარმოში დასაქმებულთა სამუშაო პირობები გაუმჯობესება და გარემოს დაცვის კუთხით ინვესტიციების განხორციელება იყო. დღეს ჩვენ ყველა ვთანხმდებით იმაზე, რომ აზოტის საწარმოში რუსთაველებისთვის სამუშაო პირობები უნდა გაუმჯობესდეს და ეკოლოგიის მიმართულებით, მმართველმა კომპანიამ უფრო ძლიერი და ეფექტიანი ნაბიჯები უნდა გადადგას“, - განაცხადა ნინო ლაცაბიძემ.

„რუსთავის აზოტი-ინდორამას“ გენერალურმა დირექტორმა ლევან ბურდილაძემ აღნიშნა, რომ ,,ინდორამა კორპორაციისთვის“ გარემოზე ზრუნვა ერთ-ერთი მთავარი პრიორიტეტია.

„დღეს, „ინდორამა კორპორაციის ( Indorama Corporation)“ თავმჯდომარე შრი პრაკაშ ლოჰიამ და ვიცე-თავმჯდომარე ამიტ ლოჰიამ, საწარმოს ტერიტორია დაათვალიერეს. „ინდორამა კორპორაციის“ ერთ-ერთი მთავარი პრიორიტეტი, რა თქმა უნდა, სამუშაო პირობების გაუმჯობესებასთან ერთად, არის გარემოზე ზრუნვა. ,,იდორამა“ ძალიან მაღალი სოციალური პასუხისმგებლობის მქონე კორპორაციაა და ეკოლოგია ერთ-ერთი მთავარი პრიორიტეტია. გარემოზე ზემოქმედების შემცირების მიზნით, არაერთი მილიონი დოლარი დაიხარჯა და ეს ტენდენცია, მომავალშიც აუცილებლად გაგრძელდება“, - განაცხადა ლევან ბურდილაძემ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად