გორში 8 ოქტომბერს ქალაქის სახალხო დღესასწაული - „გორის დღე 2023“ აღინიშნება. ინფორმაციას გორის მერია ავრცელებს.

უწყების ცნობით, ღონისძიების ფარგლებში, თეატრის მიმდებარე ტერიტორიაზე სხვადასხვა სახის კულტურული, საგანმანათლებლო და სპორტული სანახაობა და აქტივობა გაიმართება.

„მთელის დღის განმავლობაში, ღონისძიებაზე წარმოდგენილი იქნება საგანმანათლებლო დაწესებულებების კუთხეები, ადგილობრივი მეწარმეების პროდუქციისა და ხელოვანების ნამუშევრების გამოფენა - გაყიდვა, კვების ობიექტებისა და სოფლების კუთხეები, საბავშვო გასართობი სივრცეები, ტურისტული კუთხე - „ჯიპ - ტური“ და ამასთან, გაიმართება კონცერტები.

„გორის დღე 2023 “- ს გალა-კონცერტი დაასრულებს. კონცერტში, რომელიც 19:00 საათზე დაიწყება, მონაწილეობას მიიღებენ „ქიმერა“, ადგილობრივი ბენდი SOFT WAVE და მუსიკალური ჯგუფი „მგზავრები“,- აღნიშნულია ინფორმაციაში.