ლევან ხაბეიშვილი - პარლამენტის რეგლამენტში ცვლილებები ემსახურება ერთ რამეს - რუსულ პარტიაში არის კონკრეტული გაუგებრობები, უნდობლობა ერთმანეთის მიმართ

ეს ცვლილებები ემსახურება ერთ რამეს - რუსულ პარტიაში არის კონკრეტული გაუგებრობები, უნდობლობა ერთმანეთის მიმართ და მე დარწმუნებული ვარ, რომ რაც მეტი დრო გავა, რაც უფრო მეტი სანქცირებული იქნება და ასე იქნება უპირობოდ, კიდევ უფრო მეტი პრობლემა შეექმნება რუსულ პარტიას, - ასე გამოეხმაურა პარტია „ერთიანი ნაციონალური მოძრაობის“ თავმჯდომარე, ლევან ხაბეიშვილი პარლამენტის რეგლამენტში დაგეგმილ ცვლილებებს, რომლის თანახმად, პარლამენტის მიერ თანამდებობის პირების თანამდებობაზე არჩევისა და თანამდებობიდან გათავისუფლების თაობაზე გადაწყვეტილების ფარული კენჭისყრით მიღების წესი იცვლება.

მისივე თქმით, „ქართული ოცნებას“ ლიდერებს რეგლამენტში ცვლილებების განხორციელება მათი თანაგუნდელების „მაქსიმალურად გააკონტროლობისთვის“ სურთ.

„ამბობენ, რომ საჯარო იქნება იმისთვის, რომ გუნდის შიგნითაც უკვე ხვდებიან, რომ რუსულ თამაშზე აყოლა და ბიძინა ივანიშვილს, რომ ჩაჰყვნენ პოლიტიკურ მოუსავლეთში, უკვე არ უნდა არავის და ნერვიულობს კონკრეტული ადამიანები, ამიტომ მათსავე გუნდში, რომ არ ენდობიან ადამიანებს, ამიტომაც ამბობენ, რომ უნდა იყოს საჯარო, რომ ვინმემ არ მოატყუოს რუსული პარტიიდან და გააკონტროლონ მაქსიმალურად, რომ ზუსტად იცოდნენ ვინ აძლევს ხმას და ვინ - არა. შესაბამისად, ეს ცვლილებები ემსახურება ერთ რამეს, რომ რუსულ პარტიაში არის კონკრეტული გაუგებრობები, უნდობლობა ერთმანეთის მიმართ და მე დარწმუნებული ვარ, რომ რაც მეტი დრო გავა, რაც უფრო მეტი სანქცირებული იქნება და ასე იქნება უპირობოდ, კიდევ უფრო მეტი პრობლემა შეექმნება რუსულ პარტიას“, - აღნიშნა ხაბეიშვილმა.

ცნობისთვის, პარლამენტის მიერ თანამდებობის პირების თანამდებობაზე არჩევისა და თანამდებობიდან გათავისუფლების თაობაზე გადაწყვეტილების ფარული კენჭისყრით მიღების წესი იცვლება - ასეთ გადაწყვეტილებებს პარლამენტი ფარულის ნაცვლად, ღია კენჭისყრით მიიღებს.

ეს ერთ-ერთია იმ ცვლილებათა შორის, რომლის განხორციელებაც „ქართული ოცნების" დეპუტატების ინიციატივით პარლამენტის რეგლამენტში იგეგმება.

რეგლამენტში ცვლილებების პროექტით, ღია კენჭისყრის წესი მათ შორის თანამდებობის პირის იმპიჩმენტის წესით გადაყენების საკითხზე კენჭისყრის შემთხვევებზე გავრცელდება.

კენჭისყრისას ფარულობის წესი მხოლოდ პარლამენტის თავმჯდომარის არჩევის შემთხვევაში შენარჩუნდება, რადგან კონსტიტუციის თანახმად, მისი არჩევა ფარული კენჭისყრით უნდა მოხდეს.

როგორც პროექტის განმარტებით ბარათშია აღნიშნული, თანამდებობის პირების ღია კენჭისყრით არჩევისა და თანამდებობიდან გათავისუფლების წესი პარლამენტის მიერ გადაწყვეტილების მიღების პროცესს გამჭვირვალეს გახდის.

რეგლამენტში დაგეგმილი ცვლილებები პარლამენტის ბიუროს 9 ოქტომბრის სხდომაზე წარედგინება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024