დევი ჭანკოტაძე ფინანსთა მინისტრის მოადგილეს - როგორც კი ოკუპანტის სამხედრო ხომალდი ოჩამჩირეში შევა, ჩათვალეთ, ომში ვართ გაბმული, ამიტომ თავდაცვის სამინისტროსთვის გამოყოფილი დაფინანსება არ არის საკმარისი

როგორც კი ოკუპანტის სამხედრო ხომალდი ოჩამჩირეში შევა, ჩათვალეთ, ომში ვართ გაბმული - სიტუაცია ძალიან მძიმეა, არავის ვაშინებ, მაგრამ ომის წინ ვდგავართ,- ამის შესახებ „ერთიანი ნაციონალური მოძრაობის“ წევრმა დეპუტატმა, დევი ჭანკოტაძემ, ფრაქცია „ნაციონალური მოძრაობის“ სხდომაზე განაცხადა, სადაც ფინანსთა მინისტრის მოადგილე გიორგი კაკაურიძე 2024 წლის ბიუჯეტის პროექტს წარადგენს.

ჭანკოტაძე დაინტერესდა, რაზე დაყრდნობით განისაზღვრა თავდაცვის ბიუჯეტად 230 მლნ ლარი და განაცხადა, რომ ეს საკმარისი არაა.

„მეგონა, ეს ბიუჯეტი განსაკუთრებული იქნებოდა, რადგან სიტუაცია ძალიან მძიმეა. არავის ვაშინებ, მაგრამ ომის წინ ვდგავართ, დამიჯერეთ. როგორც კი ოკუპანტი რუსი სამხედროს ხომალდი ოჩამჩირეში შევა, ჩათვალეთ, ომში ვართ გაბმული. თუ ამას ვერ ხედავთ, მე ამას ვხედავ. ამიტომ, ბიუჯეტი, რომელიც შექმნილია იმისთვის, რომ მშვიდობიანად გადავლახოთ ეს სიტუაცია, ასე არ გამოვა. 230 მლნ ლარია გამოყოფილი, რომ თავდაცვის ძალებმა შეიძინონ შეიარაღება. ვთვლი, ეს არ არის საკმარისი, ეს დაახლოებით 85 მლნ დოლარია. მაგალითად, 85 მლნ დოლარად 1.5 ანტისაჰაერო ასეული შეგვიძლია შევიძინოთ, სადაც 9 დანადგარი შედის. თბილისი რომ დავიცვათ 7 ასეული ასეთი გვჭირდება. ვერ ხედავთ ამ საფრთხეს? მთელი საქართველო ხედავს ამ საფრთხეს, ჩვენი მთავრობა - ვერა. რა გამოდის, ომისთვის მზადება არ მიდის. ამას ვერ გავექცევით, დიდი ალბათობით, მოხდება. მითუმეტეს, ხედავთ, ჯერ დაიწყო მოლდოვაში - რაც არ უნდა ეფერო, მაინც აურევს; მერე ყარაბაღში ეცადა სიტუაცია აერია; ახლა ისრაელში. შემდეგი შეიძლება ჩვენ ვიყოთ და რა, მზად ვართ? არ ვართ მზად. ამ ბიუჯეტს რომ ვუყურებ, არ არის მზად. ამ წელს სამხედრო ბიუჯეტი უნდა იყოს“, - განაცხადა დევი ჭანკოტაძემ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია