გორის მერია - გორში დამსახურებული მწვრთნელის, ნუგზარ სხირელის ხსოვნისადმი მიძღვნილი საერთაშორისო მემორიალური ტურნირი გაიმართა

გორში დამსახურებული მწვრთნელის, ნუგზარ სხირელის ხსოვნისადმი მიძღვნილი საერთაშორისო მემორიალური ტურნირი გაიმართა. ინფორმაციას გორის მუნიციპალიტეტის მერია ავრცელებს.

მათივე ცნობით, „სხირელის თასი 2023"-ის ფარგლებში შეჯიბრებები ახალგაზრდებს შორის თავისუფალ ჭიდაობაში სამი დღის განმავლობაში მიმდინარეობდა.

„ტურნირში ქართველებთან ერთად სომეხი, აზერბაიჯანელი, ყაზახი, მაკედონიელი, ამერიკელი და უკრაინელი მოჭიდავეები მონაწილეობდნენ. შეჯიბრებაში 2004 – 2006 წლებში დაბადებული სპორტსმენები 10 წონით კატეგორიაში ასპარეზობდნენ. საპრიზო ადგილებზე გასულ მოჭიდავეებს გადაეცათ თასები, მედლები და სიგელები.

საერთაშორისო ტურნირი გორის მუნიციპალიტეტის მერის, ვლადიმერ ხინჩეგაშვილის ინიციატივით პირველად 2021 წელს გაიმართა და შემდგომში ტრადიციული ხასიათი მიიღო.

ღონისძიება გორის მუნიციპალიტეტის მერიის სპორტის განვითარებისა და ხელშეწყობის სააგენტოს ორგანიზებითა და საქართველოს ჭიდაობის ეროვნული და მსოფლიო ფედერაციების მხარდაჭერით ტარდება.

ადგილობრივი ხელისუფლების წარმომადგენლებმა უცხოელ სტუმრებთან ერთად ნუგზარ სხირელის ხსოვნას პატივი მიაგეს და მისი საფლავი ყვავილებით შეამკეს.

ნუგზარ სხირელი იყო მსოფლიოში აღიარებული მწვრთნელი, ღირსების ორდენისა და ღირსების მედლის კავალერი. მისი დაარსებულია გორში თავისუფალი ჭიდაობის სკოლა. სხირელის აღზრდილები არიან წარმატებული სპორტსმენები - საქართველოს, ევროპის, მსოფლიოსა და ოლიმპიური ჩემპიონები,“ - აღნიშნულია გავრცელებულ ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია