ბსუ-ს საფრანგეთის სრულუფლებიანი ელჩი საქართველოში შერაზ გასრი ეწვია

ბათუმის შოთა რუსთაველის სახელმწიფო უნივერსიტეტს საფრანგეთის სრულუფლებიანი ელჩი საქართველოში შერაზ გასრი ეწვია.

ბათუმის შოთა რუსთაველის სახელმწიფო უნივერსიტეტის ცნობით, უნივერსიტეტის რექტორთან მერაბ ხალვაშთან გამართულ გაცნობითი ხასიათის შეხვედრაზე დიპლომატიური კორპუსის წარმომადგენელმა ორი ქვეყნის კულტურულ-საგანმანათლებლო ურთიერთობებზე, სამომავლო თანამშრომლობაზე, გაცვლით პროგრამებსა და სამეცნიერო კვლევების მიმართულებით თანამშრომლობის გაღრმავების აუცილებლობაზე ისაუბრა.

„მხარეებმა შეხვედრაზე, ასევე, იმსჯელეს ერთობლივი ქართულ-ფრანგული სამაგისტრო პროგრამის - „ტურიზმი“ შექმნის შესახებ, რომელიც ანჟერის უნივერსიტეტთან ერთად მზადდება.

გარდა ამისა, უნივერსიტეტში, ტურიზმის ფაკულტეტის ბაზაზე AUF-ს ცენტრი გაიხსნება, რაც კიდევ უფრო გააძლიერებს ურთიერთობას ფრანგულ უნივერსიტეტებთან.

საფრანგეთის სრულუფლებიანი ელჩი საქართველოში შერაზ გასრი ვიზიტის ფარგლებში ასევე შეხვდა პროექტის „ადვოკატირება ბავშვთა და ახალგაზრდების დასაცავად“ მონაწილეებს და პროგრამის შედეგებს გაეცნო. პროექტის ერთ-ერთი პარტნიორია ფრანგული ორგანიზაცია - International Child Catholic Bureau (BICE), რომელსაც „საქართველოს საზოგადოებრივი ჯანდაცვის ფონდი“ ახორციელებს“, - ნათქვამია ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო