რუსთავში, აფხაზეთის ქუჩის რეაბილიტაცია მიმდინარეობს

რუსთავის მერიამ, ქალაქში ახალი საგზაო ინფრასტრუქტურისა და შიდა საუბნო საზოგადოებრივი სივრცის მოწყობის მიზნით, კიდევ ერთი მასშტაბური პროექტი დაიწყო. ამის შესახებ ინფორმაციას რუსთავის მერია ავრცელებს.

მათივე ცნობით, პროექტი აფხაზეთს ქუჩაზე ასფალტ-ბეტონის საფარის, ველობილიკების, სანიაღვრე ქსელის, ტროტუარების, გარე განათების, სარწყავი სისტემისა და რეკრეაციული სივრცეების მოწყობას ითვალისწინებს.

რუსთავის მერი ნინო ლაცაბიძე, დღეს აფხაზეთის ქუჩაზე მიმდინარე სამუშაოებს, ინფრასტრუქტურის სამსახურისა და ტენდერში გამარჯვებული კომპანიის წარმომადგენლებთან ერთად ადგილზე გაეცნო.

მერის განცხადებით, აღნიშნული პროექტი ცენტრალურ ქუჩას განტვირთავს.

„რუსთავში კიდევ ერთი მნიშვნელოვანი პროექტის განხორციელება დაიწყო, რომელიც აფხაზეთის ქუჩის სრულ რეაბილიტაციას ითვალისწინებს. აღნიშნული პროექტი განტვირთავს ცენტრალურ ქუჩას. აქ მოეწყობა ახალი საგზაო ინფრასტრუქტურა და რაც მთავარია, ფეხით მოსიარულეებისათვის ბევრად უფრო უსაფრთხო გარემო იქნება, ვიდრე აქამდე იყო. დაემატება განათების, სარწყავი და სანიაღვრე სისტემები, დაემატება მწვანე სივრცეები“, - განაცხადა რუსთავის მერმა ნინო ლაცაბიძემ.

გავრცელებული ინფორმაციით, ინფრასტრუქტურული პროექტის დაწყებამდე, კომპანია GWP-იმ ქალაქის წყალმომარაგების სისტემის რეაბილიტაციის ფარგლებში, აფხაზეთის ქუჩაზე, 500 მეტრი სიგრძის მაგისტრალური და გამანაწილებელი ქსელი განაახლა. ამავე ქსელზე მოეწყო 12 ერთეული ჩამკეტ-მარეგულირებელი ურდული და 6 საკვანძო ჭა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო