ქუთაისის მერიის მხარდაჭერით მესამე საერთაშორისო მოკლემეტრაჟიანი ფილმების ფესტივალი გაიმართება

20–25 ოქტომბერს, ქუთაისი საერთაშორისო მოკლემეტრაჟიანი ფილმების ფესტივალს მესამედ უმასპინძლებს. ინფორმაციას ქუთაისის მერია ავრცელებს.

უწყების ცნობით, ფესტივალი ქუთაისის მერიის და საქართველოს ეროვნული კინემატოგრაფიის ცენტრის ორგანიზებით, TBC კონცეპტისა და „თეგეტა ჰოლდინგის“ მხარდაჭერით ჩატარდება.

„ფესტივალს მეორე წელია მასპინძლობას სასტუმრო „Kutaisi Inn“ გაუწევს. საერთაშორისო ფესტივალის ფარგლებში, კინოთეატრ „საქართველოში“ მაყურებელი მრავალფეროვან პროგრამას იხილავს. კინოჩვენებებთან და რეტროსპექტივებთან ერთად, ფესტივალი კინემატოგრაფისტებისთვის საგანმანათლებლო პროგრამას მოიცავს: მასტერკლასებს, დისკუსიებს და პრეზენტაციებს, თანამედროვე ქართული მოკლემეტრაჟიანი ფილმების პანორამა და ამასთან, ახალი ტალღის ქართველი დოკუმენტალისტების ფილმების პრემიერები გაიმართება. ფესტივალზე ჟიური გამარჯვებულებს სამ კატეგორიაში გამოავლენს: საუკეთესო ფილმი, საუკეთესო რეჟისორი და საუკეთესო ოპერატორი. გამარჯვებულები ფესტივალის მთავარ პრიზს - „ოქროს დინოზავრს“ მიიღებენ. დაჯილდოების ცერემონია 25 ოქტომბერს, კინოთეატრ „საქართველოში” ჩატარდება“, - აღნიშნულია გავრცელებულ ინფორმაციაში.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო