ქუთაისში საერთაშორისო ფოტოფესტივალი „ილო" გაიხსნა

ქუთაისში საერთაშორისო ფოტოფესტივალი „ილო“ გაიხსნა. ამის შესახებ ინფორმაცია ქუთაისის მუნიციპალიტეტის მერია ავრცელებს.

მათივე ცნობით, ფოტოფესტივალი ფოტოგრაფ ილო ხახიაშვილის ძეგლის პატივგებით დაიწყო, საკონკურსო ფოტოები კი „თიბისი ბანკის“ საგამოფენო სივრცეშია წარმოდგენილი.

ინფორმაციის მიხედვით, წელს ფესტივალში მონაწილეობენ მსოფლიოს 7 ქვეყნის (საქართველო, საფრანგეთი, ნიდერლანდები, უკრაინა, ბელგია, ამერიკის შეერთებული შტატები, ისრაელი) ფოტოხელოვანები და ფოტომოყვარულები.

ფესტივალის გახსნის ცერემონიაში მონაწილეობდნენ ქუთაისის მერი იოსებ ხახალეიშვილი, იმერეთში სახელმწიფო რწმუნებული ზვიად შალამბერიძე, მაჟორიტარი დეპუტატი ზაზა ლომინაძე.

„ქუთაისში საერთაშორისო ფოტოფესტივალი „ილო“ გაიხსნა. ფოტოფესტივალი 17 წელია უკვე, რაც ტარდება და გასულ წელს მას საერთაშორისო სტატუსი მივანიჭეთ. ფოტოკონკურსის მიზანია გამოავლინოს ნიჭიერი მოყვარული და პროფესიონალი ფოტოგრაფები, ხელი შეუწყოს ქუთაისში ფოტოგრაფიის განვითარებას და ამ მიმართულებით ჩვენი ქალაქის წარმოჩენას საერთაშორისო ასპარეზზე“, - განაცხადა იოსებ ხახალეიშვილმა.

„ფესტივალის ფარგლებში ჩატარდება მასტერკლასები და ფოტოსესიები, მონაწილეებისთვის მოეწყობა ტურები ქუთაისის და იმერეთის გასაცნობად.

საერთაშორისო ფოტოფესტივალი „ილო“ დაიხურება 15 ოქტომბერს. დახურვის ცერემონიალზე, პროფესიონალური ჟიურის მიერ გამოვლენილ გამარჯვებულებს ფესტივალის მთავარი და სპეციალური პრიზები გადაეცემათ“, - აღნიშნულია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია