გორის მერია - ვლადიმერ ხინჩეგაშვილი და მისი მოადგილე საკალათბურთო კლუბ „ივერიონის“ წევრებსა და ხელმძღვანელობას შეხვდნენ

გორის მუნიციპალიტეტის მერი ვლადიმერ ხინჩეგაშვილი და მერის მოადგილე თამაზ შიოშვილი საკალათბურთო კლუბ „ივერიონის“ წევრებსა და ხელმძღვანელობას შეხვდნენ.

როგორც გორის მუნიციპალიტეტის მერიის მიერ გავრცელებულ ინფორმაციაშია ნათქვამი, საქართველოს სუპერლიგაში, რომელიც უახლოეს დღეებში აიღებს სტარტს - „ივერიონი“ პირველად იასპარეზებს.

„კლუბი, რომელიც 2 წლის წინ გორის მუნიციპალიტეტის მერიის მხარდაჭერით დაარსდა, გასულ წელს, ქვეყნის ჩემპიონატის ჯერ „ა ლიგაში“, შემდეგ კი ფლეი-ოფში წარმატებით გამოვიდა და სუპერლიგის საგზურიც მოიპოვა.

შეხვედრაზე, კლუბის ხელმძღვანელებმა და გორის მუნიციპალიტეტის მერიის წარმომადგენლებმა - „ივერიონის“ მიზნებსა და ახალ ამოცანებზე ისაუბრეს.

ვლადიმერ ხინჩეგაშვილმა წარმატებები უსურვა გუნდს და იმედი გამოთქვა, რომ „ივერიონი“ სუპერლიგაში ყველასთვის ანგარიშგასაწევი ძალა იქნება და ღირსეულად წარმოაჩენს გორს.

პირველ მატჩს სუპერლიგაში, „ივერიონი“ 21 ოქტომბერს, გორის სპორტის სასახლეში გამართავს და გურჯაანის „დელტას“ შეხვდება.

„ივერიონში“ როგორც დიდების, ისე სხვადასხვა ასაკობრივ გუნდებში 150-მდე კალათბურთელია, რომლებსაც კვალიფიციური მწვრთნელები ავარჯიშებენ და ეს გუნდები გამოდიან სხვადასხვა ასაკობრივ შეჯიბრებებზე“, - ნათქვამია ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო