გორში სასკოლო სპორტული ოლიმპიადა გაიხსნა

გორში სასკოლო სპორტული ოლიმპიადა ვაჟთა შორის ფრენბურთში შეჯიბრებით გაიხსნა.

გორის მუნიციპალიტეტის ინფორმაციით, ღონისძიებაში გორის მუნიციპალიტეტიდან 50-მდე სკოლის 1000-მდე მოსწავლეა ჩართული.

შეჯიბრებები გარდა სპორტის 7 სახეობისა (ფრენბურთი, მინი-ფეხბურთი, გეზრბენი, მაგიდის ჩოგბურთი, ხელბურთი, 3X3 კალათბურთი, ბადმინტონი), გაიმართება მხიარულ სტარტებშიც.

„მუნიციპალური ეტაპის შემდეგ, რომელიც დეკემბერში სრულდება, გაიმართება ზონალური შეჯიბრებები.

ფინალურ ეტაპზე ყველა სახეობასა და დისციპლინაში გამოვლინდებიან ქვეყნის მასშტაბით გამარჯვებული გუნდები.

ოლიმპიადა მომავალი წლის ზაფხულამდე გრძელდება.

ღონისძიებაში მონაწილეობას იღებენ მოსწავლეები საქართველოს ყველა რეგიონიდან“, - ნათქვამია ინფორმაციაში.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო