გორის მუნიციპალიტეტში ხიდისთავიდან უფლისციხემდე ახალი გარეგანათების სისტემა მოეწყო.
ამის შესახებ ინფორმაციას გორის მუნიციპალიტეტის მერია ავრცელებს.
მათივე ცნობით, 6 000 მეტრ მონაკვეთზე, რომელიც საავტომობილო გზას მიუყვება, დამონტაჟდა 150-მდე განათების ბოძი და ენერგოეფექტური სანათი.
„სამუშაოები ადგილობრივი ბიუჯეტიდან 300 300 ლარით დაფინანსდა. პროექტი მოსახლეობის ინტერესების გათვალისწინებით განხორციელდა“, - აღნიშნულია გავრცელებულ ინფორმაციაში.