დავით გაბაიძემ სომხეთის საკონსტიტუციო სასამართლოს დელეგაციას უმასპინძლა

აჭარის უმაღლესი საბჭოს თავმჯდომარემ, დავით გაბაიძემ, სომხეთის რესპუბლიკის საკონსტიტუციო სასამართლოს დელეგაციას უმასპინძლა, სასამართლოს თავმჯდომარის არმან დილანიანის ხელმძღვანელობით.

ამის შესახებ ინფორმაციას აჭარის უმაღლესი საბჭოს პრესსამსახური ავრცელებს.

მათივე ცნობით, გაცნობითი ხასიათის შეხვედრას საქართველოს საკონსტიტუციო სასამართლოს თავმჯდომარე - მერაბ ტურავა და სომხეთის გენერალური კონსული ქალაქ ბათუმში - ნარინე მატოსიანი ესწრებოდნენ.

„დავით გაბაიძემ, უმაღლესი საბჭოს თავმჯდომარის მოადგილემ ტიტე აროშიძემ, საკონსტიტუციო, იურიდიულ და საპროცედურო საკითხთა კომიტეტის თავმჯდომარემ ლადო მგალობლიშვილმა, სტუმრებს, აჭარის უმაღლეს საბჭოში გატარებულ რეფორმებზე, ღია მმართველობის კუთხით განხორციელებულ ღონისძიებებსა და საკანონმდებლო ორგანოში დანერგილ სიახლეებზე მიაწოდეს ინფორმაცია.

სომხეთის რესპუბლიკის საკონსტიტუციო სასამართლოს დელეგაცია აჭარაში, საქართველოს საკონსტიტუციო სასამართლოს მოწვევით, საპასუხო ვიზიტით იმყოფება“,- აღნიშნულია ინფორმაციაში.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის