ხელვაჩაურში, სოფელ კაპრეშუმში, 500-მდე ოჯახი გზის გარეშე დარჩა. მოვუწოდებთ აჭარის მთავრობის თავმჯდომარეს, აღარ ველოდებით აღარც კუნძულებს და არც სხვა სიახლეებს, სანამ ჯერ კიდევ ხართ ხელისუფლებაში, ხალხს სახლში მისასვლელი გზა მაინც გაუკეთეთ, - ამის შესახებ „ერთიანი ნაციონალური მოძრაობის“ ხელვაჩაურის ორგანიზაციის თავმჯდომარემ, მიშა ბოლქვაძემ განაცხადა.
მისივე თქმით, გზის პრობლემა უკვე შვიდი წელია, რაც არსებობს და ხელისუფლების მხრიდან რეაგირება არ მოჰყოლია.
„ეს პრობლემა შვიდი წელია უკვე დგას და ჩვენ ყოველთვის ვახსენებდით რუსული ოცნების“ ხელისუფლებას, რომ სწრაფი რეაგირება მომხდარიყო და გაბიონი გაკეთებულიყო, თუმცა ვნახეთ, რომ შვიდი წლის ბოლოს საბოლოოდ ჩაიხერგა გზა და 500-მდე ოჯახი გზის გარეშე დარჩა. ამიტომ, ჩვენ მოვუწოდებთ აჭარის მთავრობის თავმჯდომარეს, რომ ხალხი აღარ ელოდება თქვენგან აღარც კუნძულს და აღარც სხვა სიახლეებს. სახლში მისასვლელი გზა მაინც გაუკეთეთ, სანამ ჯერ კიდევ ხელისუფლებაში ხართ“, - განაცხადა მიშა ბოლქვაძემ.