ილია ვერძაძე - იმპიჩმენტის პროცედურამ თავისი საქმე გააკეთა - დადგინდა, რომ პრეზიდენტმა დაარღვია კონსტიტუცია

„დადგინდა, რომ პრეზიდენტმა დაარღვია კონსტიტუცია, დადგინდა, რომ პრეზიდენტს და რადიკალურ ოპოზიციას ერთი დღის წესრიგი აქვთ“, - ამის შესახებ აჭარის უმაღლესი საბჭოს ფრაქცია „ქართული ოცნების“ წევრმა, ილია ვერძაძემ განაცხადა.

„პირველ რიგში მინდა აღვნიშნო: ამ პროცესის დასაწყისში, პარტია „ქართული ოცნების“ თავმჯდომარემ - ირაკლი კობახიძემ, პირდაპირ განაცხადა, რომ მთავარი მიზანი სიმართლის დადგენა, კონსტიტუციის სწორად წაკითხვა და გაგება იყო. მეც ასევე, არაერთ ინტერვიუში მითქვამს, რომ ამ გაუმართლებელ, ქვეყნისთვის საზიანო აჟიოტაჟს, ერთხელ და საბოლოოდ წერტილი უნდა დასმოდა და ამ თვალსაზრისით, ყველაზე ადექვატური იყო საკონსტიტუციო სასამართლოს გზა“, - აცხადებს ილია ვერძაძე.

​მისი თქმით, კონსტიტუცია არ არის სამოქალაქო კოდექსი, მისი თეზისები მარტივი და გასაგებია მოქალაქეებისათვის.

„კონსტიტუციით განსაზღვრულია სახელმწიფო მოწყობა, კომპეტენციის საზღვრები, მთავარი ღირებულებები, უფლებები და ა.შ; კონსტიტუცია არის ძირითადი კანონი, რომელშიც წერია, რომ საქართველო არის საპარლამენტო ქვეყანა და პირველი პირი არის პრემიერი. ​როცა საუბარია - დამადასტურებელი ვერაფერი წარმოადგინესო, ძალიან საინტერესო მიდგომაა. არ გქონდა კანონით განსაზღვრული პრემიერის თანხმობა ვიზიტზე და მაინც განახორციელე? მორჩა! ​ასე, რომ იმპიჩმენტის პროცედურამ თავისი საქმე გააკეთა. დადგინდა, რომ პრეზიდენტმა დაარღვია კონსტიტუცია, დადგინდა, რომ პრეზიდენტს და რადიკალურ ოპოზიციას ერთი დღის წესრიგი აქვთ. დადგინდა, რომ ოპოზიციაში ერთმანეთს არ და ვერ ენდობიან და შეურაცხყოფენ“, - აცხადებს ილია ვერძაძე, რომლის კომენტარსაც აჭარის უმაღლესი საბჭო ავრცელებს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია