ანა ბუჩუკურის განცხადებით, საქართველო კანდიდატის სტატუსს მიიღებს, თუმცა ამ საქმეში თავად „ქართული ოცნების“ ხელისუფლების დამსახურება ნულის ტოლფასია

პარტია „საქართველოსთვის“ დეპუტატის ანა ბუჩუკურის განცხადებით, საქართველო კანდიდატის სტატუსს მიიღებს, თუმცა ამ საქმეში თავად "ქართული ოცნების" ხელისუფლების დამსახურება ნულის ტოლფასია.

ბუჩუკური ხელისუფლებას მიმართავს, მოსახლეობას განუმარტოს, რას აპირებს და რა ნაბიჯებს გადადგამს იმისთვის, რომ საქართველო ევროკავშირთან ინტეგრაციის პროცესში "ასოცირებული ტრიოს" წევრ მოლდოვას დაეწიოს, რომელიც გაწევრიანებაზე მოლაპარაკებებს იწყებს.

ბუჩუკურის შეფასებით, საქართველოს მიერ ევრორეკომენდაციების შესრულება "საკმაოდ მძიმედ გამოიყურება".

"ის, რისთვისაც ქვეყანა სტატუსს მიიღებს, არის ქართველი ხალხის ბოლო 30-წლიანი ბრძოლა ევროპული მომავლისთვის და დასავლური ღირებულებებისთვის. თუ არ ჩავთვლით ბოლო ორ წელიწადს, საქართველო წლების განმავლობაში რეგიონში, განსაკუთრებით „ასოცირებული ტრიოს" ფარგლებში მოწინავე, ლიდერი ქვეყანა იყო, როცა საქმე დემოკრატიულ რეფორმებს ეხებოდა.

კიდევ ერთი ძალიან მნიშვნელოვანი ფაქტორი, გეოპოლიტიკური პროცესებია - ჩვენს პარტნიორებს ძალიან კარგად ესმით, რომ საქართველოს მარტო დატოვება ქვეყნის იზოლირებას და რუსეთის გავლენების გაზრდას ნიშნავს. ეს არის ის მიზეზები, რის გამოც საქართველო კანდიდატი ქვეყნის სტატუსს აუცილებლად მიიღებს, რაშიც "ქართული ოცნების" დამსახურება არის ნული.

გამობრძანდნენ ხელისუფლების წარმომადგენლები და განმარტონ, თუ რას აპირებენ იმისთვის, რომ საქართველო დაეწიოს მაგალითად მოლდოვას, რომელიც უკვე მზად არის დაიწყოს მოლაპარაკებები ევროკავშირთან გაფართოებაზე და ჩვენ კანდიდატის სტატუსის მიღება გვიხარია", - განაცხადა ანა ბუჩუკურმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის