ზუგდიდში აფხაზეთის დე ფაქტო ხელისუფლების მიერ დაკავებული საქართველოს მოქალაქის ირაკლი ბებუას მხარდამჭერი აქცია გაიმართა

„თავისუფლება ირაკლი ბებუას“, „რეჟიმს ახალგაზრდები დავასრულებთ“ , „მონობას არ დავემორჩილებით“,- ამ შინაარსის ტრანსპარანტებით ზუგდიდის სკეიტ პარკში აფხაზეთის დე ფაქტო ხელისუფლების მიერ დაკავებული საქართველოს მოქალაქის ირაკლი ბებუას მხარდამჭერი აქცია გაიმართა.

აქციის მონაწილეების განცხადებით, ხელისუფლებამ უნდა გადადგას ქმედითი ნაბიჯები, რათა დროულად მოხდეს უკანონოდ დაკავებული ბებუას დაბრუნება მათ მიერ კონტროლირებად ტერიტორიაზე.

მათივე თქმით, ხელისუფლება ვალდებულია იზრუნოს საქართველოს ნებისმიერ მოქალაქეზე.

„დღევანდელ აქციაზე გვქონდა ორი მთავარი სათქმელი. ერთი ირაკლი ბებუას მიმართ, რომელსაც ვეუბნებით, რომ ის მარტო არ არის, გვახსოვს და ვფიქრობთ მასზე. გვინდა დაბრუნდეს თავისუფალი ჩვენი ქვეყნის კონტროლირებად ტერიტორიაზე. მეორე სათქმელი არის საქართველოს ხელისუფლების მიმართ, რომელიც არაფერს აკეთებს თავისი მოქალაქის დასახმარებლად და ვეუბნებით მას, რომ მისი კონსტიტუციით დაკისრებული ვალდებულებაა, იზრუნოს მის ნებისმიერ მოქალაქეზე, სადაც არ უნდა იმყოფებოდეს ის. ასევე, ვახსენებთ ხელისუფლებას, რომ მან უნდა მოიმოქმედოს ყველაფერი საკუთარი მოქალაქის დასაბრუნებლად კონტროლირებად ტერიტორიაზე“, - განაცხადა სამოქალაქო აქტივისტმა ცაბუნია ვართაგავამ.

ცნობისთვის, ირაკლი ბებუა დე ფაქტო სასამართლომ „სახელმწიფო სიმბოლიკის შეურაცხყოფის", „სხვისი ქონების განზრახ დაზიანების" და „საბრძოლო მასალის უკანონოდ შენახვის" მუხლებით გაასამართლა. მას 2020 წლის 7 დეკემბერს 9 წლით თავისუფლების აღკვეთა მიესაჯა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია