მარნეულის მუნიციპალიტეტის სოფელ წერაქვში გამოჩენილი ქართველი მწერლის მიხეილ ჯავახიშვილის იუბილესადმი მიძღვნილი ღონისძიება გაიმართა

მარნეულის მუნიციპალიტეტის სოფელ წერაქვში გამოჩენილი ქართველი მწერლის მიხეილ ჯავახიშვილის იუბილესადმი მიძღვნილი ღონისძიება - „ჯავახიშვილობა 2023“ გაიმართა.

ამის შესახებ ინფორმაციას მარნეულის მერია ავრცელებს.

მათივე ცნობით, ღონისძიების ფარგლებში, სტუმრებს შესაძლებლობა ჰქონდათ დაეთვალიერებინათ მუზეუმი, მოესმინათ მინი ლექცია, თემაზე: „ფრაგმენტები მიხეილ ჯავახიშვილის მოღვაწეობიდან“.

„ეზოში წარმოდგენილი იყო მე-20 საუკუნის დასაწყისის ამსახველი იმიტირებული ლიტერატურული სალონების დეკორაციები, ასევე პერფორმანსი, სპექტაკლი „მზერა მომავალში“ „კვაჭი კვაჭანტირაძისა“ და „ჯაყოს ხიზნების“ მიხედვით.

აღსანიშნავია, რომ მიხეილ ჯავახიშვილი 1880 წლის ნოემბერში, მარნეულის მუნიციპალიტეტის სოფელ წერაქვში დაიბადა. მწერლის იუბილესთან დაკავშირებული სახალხო დღესასწაული მარნეულის მუნიციპალიტეტის თვითმმართველობის ინიციატივით 2015 წლიდან აღდგა და ყოველწლიური ხასიათი მიიღო.

„ჯავახიშვილობა 2023-ს“ ცენტრალური და ადგილობრივი ხელისუფლების წარმომდგენლები, მწერალთა კავშირის წევრები და მოწვეული სტუმრები ესწრებოდნენ. მათ გაიხსენეს მწერლის შემოქმედება, ყვავილებით და გვირგვინით შეამკეს ძეგლი“,- ნათქვამია გავრცელებულ ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო