აჭარის უმაღლეს საბჭოში „ერთიანი ნაციონალური მოძრაობის” წევრები აცხადებენ, რომ არეგისტრირებენ კანონპროექტს, რომლის მიხედვითაც, მოსახლეობის ჩართულობით, საბიუჯეტო პროცესის გამჭვირვალობა მოხდება.
როგორც მათ, უმაღლეს საბჭოში გამართულ ბრიფინგზე აღნიშნეს, ბიუჯეტი რეგიონის მთავარ გამოწვებს უნდა დაეყრდნოს.
„ჩვენ დღეს დავარეგისტრირეთ კანონპროექტი, რომელიც უზრუნველყოფს საბიუჯეტო პროცესის გამჭვირვალეობასა და მოსახლეობის ჩართულობის ზრდას: ნაცვლად ბნელი კაბინეტებისა ბიუჯეტის დაგეგმვა მოხდება მოსახლეობასთან ფართო განხილვების საფუძველზე, ბიუჯეტის განხილვა ყველა მუნიციპალიტეტში სავალდებულო ხდება გაუმჭვირვალე შტატგარეშე მოსამსახურეთა მიღების პროცესი, გამოვლინდა რომ კორუფციული გარიგებებით ხდება თანამშრომელთა ფიქტიური მიღება და თანხები მიედინება ხელმძღვანელების ჯიბეებში, ამიტომ ახალი კანონით ბიუჯეტში უნდა აისახოს შტატგარეშე მოსამსახურეთა რაოდენობა და მათი მიღება გამჭვირვალე გახდება. როცა რეგიონში არის სიღარიბე და ერთი სიტყვაც არ არის ნათქვამი პრიორიტეტების დოკუმენტში ახალი კანონით სავალდებულო ხდება პრიორიტეტები შემუშავდეს მოსახლეობასთან ერთად და დაეყრდნოს რეგიონის მთავარ გამოწვევებს; ბიუჯეტის შესრულების ანგარიში მოიცავს მხოლოდ სტატისტიკურ მონაცემებს, ახალი კანონი ითვალისწინებს პროგრამების შეფასების ინდიკატორების მიხედვით შედეგების გაზომვას და ანგარიშის წარმოდგენას 2024 წლიდან სავალდებულო ხდება გენდერული ბიუჯეტის შემუშავება”, - აღნიშნეს „ნაციონალური მოძრაობის“ წევრებმა.