შალვა პაპუაშვილი განის პარლამენტის თავმჯდომარეს შეხვდა

საქართველოს პარლამენტის თავმჯდომარე შალვა პაპუაშვილი განის რესპუბლიკის პარლამენტის თავმჯდომარე ალბანბაგბინს შეხვდა. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, შალვა პაპუაშვილმა კოლეგას მადლობა გადაუხადა საქართველოს ოკუპირებული რეგიონების არაღიარების პოლიტიკის მხარდაჭერისთვის.

„მხარეებმა განიხილეს ორმხრივი თანამშრომლობის განმტკიცების შესაძლებლობები სახელმწიფო სერვისების, განათლების, კლიმატის ცვლილების, ინფორმაციული ტექნოლოგიების სფეროებში. განის სპიკერმა გამოხატა ამ მიმართულებებით საქართველოს საუკეთესო გამოცდილების გაზიარების სურვილი.

შეხვედრა პარლამენტის თავმჯდომარისა და თანმხლები დელეგაციის ანგოლაში, საპარლამენტთაშორისო კავშირის 147-ე ასამბლეაზე ვიზიტის ფარგლებში შედგა.

საქართველოს საპარლამენტო დელეგაციის შემადგენლობაში პარლამენტის თავმჯდომარესთან ერთად საგარეო ურთიერთობათა კომიტეტის თავმჯდომარე ნიკოლოზ სამხარაძე და გარემოს დაცვისა და ბუნებრივი რესურსების კომიტეტის თავმჯდომარის მოადგილე სალომე ქურასბედიანი შედიან”, - ნათქვამია ინფორმაციაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია