პრემიერი - მიუხედავად შიდა თუ გარე მტრებისა, ამდენი დესტრუქციისა და საბოტაჟისა, ჩვენი ქვეყანა მაინც მიიღებს სტატუსს - მე დარწმუნებული ვარ, რომ ყველაფერი იქნება ძალიან კარგად

მიუხედავად ამ შიდა თუ გარე მტრებისა, მე ასე ვიტყოდი, და ამდენი დესტრუქციისა და საბოტაჟისა, ჩვენი ქვეყანა მაინც მიიღებს სტატუსს. მე დარწმუნებული ვარ, რომ ყველაფერი იქნება ძალიან კარგად, - ამის შესახებ საქართველოს პრემიერ-მინისტრმა ირაკლი ღარიბაშვილმა ბრიუსელში, ჟურნალისტებს განუცხადა.

მთავრობის მეთაურის თქმით, მისი პირველი პრემიერ-მინისტრობის დროს ოპოზიციონერები დადიოდნენ და ეხვეწებოდნენ ევროპელ კოლეგებს, რომ არ მიგვეღო უვიზო რეჟიმი.

"უვიზო რეჟიმზე როცა ვმუშაობდით, მაშინ, ჩემი პირველი პრემიერ-მინისტრობის დროს, გახსოვთ რომ დათო ბაქრაძე, იქ კანდელაკი და სხვა ოპოზიციონერები დადიოდნენ, ეხვეწებოდნენ, ემუდარებოდნენ ევროპელ კოლეგებს, რომ არ მიგვეღო უვიზო რეჟიმი. ეს არის ფაქტი მეგობრებო და რა თქმა უნდა ძალიან სამწუხაროა. მე, რა თქმა უნდა მინდა გითხრათ, რომ ჩვენი ძალისხმევის შედეგად, ჩვენ რა თქმა უნდა ვაქარწყლებთ აი იმ ნეგატიურ ნარატივს და დეზინფორმაციას, რომელიც მოედინება უხვად ჩვენი დედაქალაქიდან, თბილისიდან ოპოზიციონერების მხრიდან და მათ იციან რეალობა, ჩვენმა ნამდვილმა მეგობრებმა.

ამიტომ ეს სამწუხარო ფაქტია, ეს არის აღიარება და მე მინდა აღვნიშნო, ასე ვთქვათ სასიხარულოა ის ფაქტი, რომ თავად აღიარეს ეს სამარცხვინო, მე ასე ვიტყოდი, ქმედება და საქციელი. მაგრამ მინდა ყველა დავამშვიდო, რომ მიუხედავად აი ამ შიდა თუ გარე მტრებისა, მე ასე ვიტყოდი და ამდენი დესტრუქციისა და საბოტაჟისა ჩვენი ქვეყანა მაინც მიიღებს სტატუსს. მე დარწმუნებული ვარ, რომ ყველაფერი იქნება ძალიან კარგად. ჩვენ მშვიდობაც გვექნება, ვართ მოწოდებული, რომ დავიცვათ ჩვენი ხალხი, ჩვენი ქვეყანა და მშვიდად უნდა მივყვეთ, ოღონდ მტკიცედ და ფხიზლად აი ამ სიტუაციას",- განაცხადა ირაკლი ღარიბაშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის