ირაკლი კობახიძე - „მაუწყებლობის შესახებ“ კანონის მიღება ევროკავშირის მოთხოვნა იყო - პაველ ჰერჩინსკის განცხადებამ ცივი წყალი გადაასხა ოპოზიციას

გვესმის, რომ ოპოზიცია განაწყენებულია, თუმცა ევროკავშირის ელჩის მიმართ ასეთი შეურაცხმყოფელი განცხადებები იმ დროს, როცა მხოლოდ და მხოლოდ ფაქტის კონსტატაცია ხდება ელჩის მხრიდან, აბსოლუტურად გაუმართლებელია, - ამის შესახებ „ქართული ოცნების“ თავმჯდომარე ირაკლი კობახიძემ „სტრატეგია აღმაშენებლის“ დეპუტატის, პაატა მანჯგალაძის განცხადების კომენტირებისას განაცხადა.

მისივე თქმით, ევროკავშირის ელჩმა კიდევ ერთხელ დაადასტურა, რომ „მაუწყებლობის შესახებ“ კანონის მიღება ევროკომისიის ერთ-ერთი მოთხოვნა იყო.

„ჩვენ თვეების მანძილზე ვაცხადებდით, რომ ამ კანონის [მაუწყებლობის შესახებ] მიღება ევროკავშირის მოთხოვნა იყო. ჩვენ ასევე გვქონდა მჭიდრო კონსულტაციები ევროკავშირის სტრუქტურებთან იმისთვის, რომ მათთან შეგვეთანხმებინა ამ კანონპროექტის თითოეული დეტალი. ასეთ ფონზე ოპოზიცია მაინც ახერხებდა სპეკულირებას და ახლა ელჩის განცხადებამ მათ ცივი წყალი გადაასხა.

ელჩმა დაადასტურა ის, რომ ევროკავშირის პირველი მოთხოვნა იყო ამ კანონის მიღება და მეორე, სამუშაო პროცესიც კოორდინირებული იყო ევროკომისიასთან. ასეთ დროს გვესმის, რომ ოპოზიცია განაწყენებულია, თუმცა ელჩის მიმართ ასეთი შეურაცხმყოფელი განცხადებები იმ დროს, როცა მხოლოდ და მხოლოდ ფაქტის კონსტატაცია ხდება ევროკავშირის ელჩის მხრიდან, აბსოლუტურად გაუმართლებელია“, - განაცხადა კობახიძემ.

ცნობისთვის, „სტრატეგია აღმაშენებლის“ წევრმა პაატა მანჯგალაძემ განაცხადა, რომ „ჰერჩინსკიმ ალბათ, დიპლომატიური ეტიკეტიდან გამომდინარე იხუმრა, რომ მედიის სანქცირების კანონი მოეწონა“.

„მედიის და კარვების კანონი, იუსტიციის საბჭოში „ქართული ოცნების“ აქტივისტის არჩევა არ შეიძლება ვინმეს მოსწონდეს“, - განაცხადა მანჯგალაძემ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის