ნიკოლ ფაშინიანი - ამ ეტაპზე, ვმუშაობთ, შეთანხმების პროექტზე აზერბაიჯანთან მშვიდობისა და ურთიერთობის ნორმალიზაციის უზრუნველსაყოფად

სომხეთის რესპუბლიკის პრემიერ-მინისტრის ნიკოლ ფაშინიანის განცხადებით, სომხეთი აზერბაიჯანთან მშვიდობისა და ურთიერთობის ნორმალიზაციის უზრუნველსაყოფად შეთანხმების პროექტზე მუშაობს, რომელიც რამდენიმე თვეში დასრულდება. ამის შესახებ მან „თბილისის აბრეშუმის გზის ფორუმზე“ სიტყვით გამოსვლისას განაცხადა.

„ჩვენ, ამ ეტაპზე, ვმუშაობთ, შეთანხმების პროექტზე აზერბაიჯანთან მშვიდობისა და ურთიერთობის ნორმალიზაციის უზრუნველსაყოფად. იმედი მაქვს, რომ ეს პროექტი შემდეგ რამდენიმე თვეში დასრულდება. ასევე, მიმაჩნია საჭიროდ, რომ მშვიდობის საკითხზე წარმოვადგინო კიდევ ორი დამატებითი ასპექტი, რომელზეც აზერბაიჯანთან შევთანხმდით. სომხეთი და აზერბაიჯანი აღიარებს ერთმანეთის ტერიტორიულ მთლიანობას. ორივე მხარის მიერ გაკეთებული განაცხადებები არ დატოვებს არანაირ სივრცეს საიმისოდ, რომ მეორე მხარემ არ აღიაროს საპასუხო ქვეყნის ტერიტორიული მთლიანობა, გარდა საერთაშორისო აღიარებული საზღვრის ფარგლებში გაცხადებული ტერიტორიებისა. ამ პრინციპებზე დაყრდნობით, იმედი გვაქვს, რომ შემდეგ რამდენიმე თვეში, აზერბაიჯანთან მოვაწერთ ხელს მშვიდობაზე და განვაახლებთ ჩვენს ურთიერთობებს“, - განაცხადა ნიკოლ ფაშინიანმა, რომლის განცხადების თარგმანს „იმედი" ავრცელებს.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო