ირაკლი ჭეიშვილი სტრასბურგში, ევროპის საბჭოს ადგილობრივ და რეგიონულ ხელისუფლებათა კონგრესის 45-ე სესიას დაესწრო

აჭარის უმაღლესი საბჭოს წევრი, ირაკლი ჭეიშვილი, საქართველოს ოფიციალურ დელეგაციასთან ერთად, სტრასბურგში, ევროპის საბჭოს ადგილობრივ და რეგიონულ ხელისუფლებათა კონგრესის 45-ე სესიას დაესწრო. აღნიშნულთან დაკავშირებით ინფორმაციას აჭარის უმაღლესი საბჭო ავრცელებს.

მათი ცნობით, 24-26 ოქტომბერს გამართულ სესიაზე, ახალ პრეზიდენტად, ორწელიწადნახევრიანი მანდატით, ბელგიის წარმომადგენელი, მარკ ქულსი აირჩიეს. ასევე, ჩატარდა კონგრესის პალატების პრეზიდენტებისა და მათი ვიცე-პრეზიდენტების არჩევნები.

კონგრესმა, პლენარული სესიის ფარგლებში, უკრაინაში ომის საწინააღმდეგო პოლიტიკური აქტივისტებისა და პატიმრების მდგომარეობის შესახებ რეზოლუცია მიიღო.

დღის წესრიგით გათვალისწინებულ პანელურ შეხვედრებზე, ადგილობრივი თვითმმართველობის ევროპული ქარტიის გამოყენების მონიტორინგის ანგარიშები, ენერგეტიკულ ტრანზაქციაში რეგიონების როლი, მდგრადი განვითარების მიმართულებით რეგიონული გამოცდილების გაზიარებისა და სხვა მნიშვნელოვანი საკითხები განიხილეს.

სესიას 40-ზე მეტი წევრი სახელმწიფოს ახალგაზრდული ორგანიზაციების დელეგატები დაესწრნენ, რომლებმაც დებატებში მონაწილეობის პარალელურად, კონგრესის „გაახალგაზრდავების პოლიტიკის“ საინიციატივო პროექტები წარადგინეს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია