ჩხოროწყუს მუნიციპალიტეტის სოფელ ხაბუმეში მოსახლეობამ საპროტესტო აქცია გაიმართა

ჩხოროწყუს მუნიციპალიტეტის სოფელ ხაბუმეში მოსახლეობამ საპროტესტო აქცია გაიმართა. აქციის მონაწილეთა განცხადებით, 70-მდე ოჯახს, უკვე მეორე ზამთარი დგება, რაც ბუნებრივი აირი არ მიეწოდება.

მათივე თქმით, კომპანიამ, რომელიც სოფელში საგზაო ინფრასტრუქტურის სამუშაოებს ახორციელებდა გაზის მილები დააზიანა.

როგორც ადგილობრივები ამბობენ, დაახლოებით, ერთი წელია დახმარებას ითხოვენ, თუმცა რეაგირება ამ დრომდე არავის მოუხდენია.

„მუდმივად გვატყუებენ. მოხუცი ვარ და სითბო მჭირდება, არავინ მყავს დამხმარე. რითი უნდა ვიყიდო შეშა? პენსია 365 ლარია, ამ თანხით უნდა შევიძინო წამალი, საკვები-პროდუქტი. მოგვაქციონ ყურადღება. ვინც დააზიანა მილები, იმან გააკეთოს. ფული აიღეს და წავიდნენ”,- აცხადებს აქციის ერთ-ერთი მონაწილე.

აღნიშნულ საკითხზე ჩხოროწყუს მუნიციპალიტეტის მერიაში ჯერჯერობით კომენტარს არ აკეთებენ. პრობლემის მოუგვარებლობის შემთხვევაში კი, მოსახლეობა მასშტაბური აქციების გამართვას გეგმავს.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო