მიხეილ სააკაშვილი - ჩვენ ერთმანეთთან დაქორწინება არ გვჭირდება, ჩვენ ერთმანეთის სიყვარული არ გვჭირდება, არ გვჭირდება ერთმანეთის საქმეების გარჩევა - ქართველების ხელით მომწამლეს, მაგრამ რუსეთის საქმე იყო

ჩვენ ერთმანეთთან დაქორწინება არ გვჭირდება, ჩვენ ერთმანეთის სიყვარული არ გვჭირდება. არ გვჭირდება ერთმანეთთან საქმეების გარჩევა - შენ ასე თქვი, შენ ისე თქვი. რა დროს ეს არის, ხალხო?! ჩვენ ვიყავით მაგარ გზაზე, ისევ იმ გზაზე უნდა დავდგეთ, - ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე ჩართვისას განაცხადა.

მისივე თქმით, ქართველების საქართველოში დაბრუნების სახელმწიფო პროგრამა უნდა იყოს.

„აღმოვჩნდი იქ, სადაც აღმოვჩნდი. აღმოვჩნდი იმიტომ, რომ თქვენი იმედი მაქვს, მჯერა, რომ ქართველი ხალხი სუბიექტურია. აღმოვჩნდი იმიტომ, რომ აუცილებლად შევძლებთ შეკავშირებას. ჩვენ ერთმანეთთან დაქორწინება არ გვჭირდება, ჩვენ ერთმანეთის სიყვარული არ გვჭირდება. არ გვჭირდება ერთმანეთთან საქმეების გარჩევა - შენ ასე თქვი, შენ ისე თქვი. რა დროს ეს არის, ხალხო?! ჩვენ ვიყავით მაგარ გზაზე, ისევ იმ გზაზე უნდა დავდგეთ. უნდა მივაღწიოთ, რომ რუსები აღარ შემოდიოდნენ საქართველოში. რუსები მომატებული საფრთხის წყაროა. ვისაც აქვს ბინა, ეს ბინები უნდა გავაყიდვინოთ.

1 წლის განმავლობაში. ქართველების საქართველოში დაბრუნების სახელმწიფო პროგრამა უნდა იყოს, მათ შორის, ამ ბინების გადაცემის, ვინც დაბრუნდება შეღავათიანი პროგრამით“, - აღნიშნა სააკაშვილმა.

ამასთან, მან მოწამვლაზეც ისაუბრა და აღნიშნა: „როდესაც ვამბობ, რომ მე მომწამლეს რუსებმა, იმიტომ კი არა, რომ ვინმეს მინდა ხელი დავაფარო, შეიძლება ქართველების ხელით მომწამლეს, მაგრამ რუსეთის საქმე იყო“.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია