„სტარტკომ-საქართველოს“ პროექტი „Disinformation Firewall“-ის პირველი ეტაპი წარმატებით დასრულდა

პროექტი "Disinformation Firewall"-ის პირველი ეტაპი დასრულდა. აღნიშნული პროექტი არასამთავრობო ორგანიზაციებისა და მოხალისეებისთვის ისეთი დეფიციტური ცოდნის მიწოდებას ისახავდა მიზნად, როგორიცაა “ღია წყაროების დაზვერვა” (OSINT). ტრენინგი სამი ქევყნის – საქართველო, სომხეთი, მოლდოვა წარმომადგენლებისთვის ონლაინ-რეჟიმში პოლონელმა სპეციალისტებმა ჩაატარეს, რომელსაც ჯამში 40-ზე მეტი ადამიანი დაესწრო. პროექტის ორგანიზატორი საქართველოში მოქმედი არასამთავრობო ორგანიზაცია - «სტრატეგიული კომუნიკაციების ცენტრი-საქართველო» იყო.

პროექტის აღნიშნული ეტაპის დასრულების შემდეგ ქართული მხარის წარმომადგენლებთან შეხვედრა ორგანიზატორებმა საქართველოს პარლამენტის ეროვნული ბიბლიოთეკის დამოუკიდებლობის დარბაზში გამართეს, სადაც მხარეებმა საქართველოს, მოლდოვასა და სომხეთის, საინფორმაციო სივრცეში არსებული ის გამოწვევები განიხილეს, რომლებიც ამ ქვეყნების ინტერნეტ-სივრცეში მიზანმიმართული დეზინფორმაციული კამპანიებით სამოქალაქო საზოგადოებისა და ზოგადად, დემოკრატიულ პროცესების განვითარებას უქმნიან საფრთხეს.

"Disinformation Firewall" -ი ანტი-დასავლური დეზინფორმაციის აღმოჩენისა და გაქარწყლების მიზნით შეიქმნა და მისი მთავარი ამოცანა სამ ქვეყანაში (საქართველო, სომხეთი, მოლდოვა) სამოქალაქო საზოგადოების ორგანიზაციებისა და მოხალისეების შესაძლებლობების გაძლიერება იყო. ასევე, აღნიშნული პროექტი მიზნად პროექტის მონაწილეებს შორის გრძელვადიანი პროფესიული კავშირების დამყარებასაც ისახავს.

აღნიშნული პროექტი სარგებლობს აღმოსავლეთ პარტნიორობის სამოქალაქო საზოგადოების ფორუმის (EAP CSF) მხარდაჭერით და დაფინანსებული ევროკავშირის მიერ.

(R)

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო