ქუთაისის მერმა წარმატებული მასწავლებლები დააჯილდოვა

ქუთაისის მუნიციპალიტეტის ადგილობრივი თვითმმართველობის წარმომადგენლები, მასწავლებლის ეროვნულ დღესთან დაკავშირებით, ქალაქის წარმატებულ პედაგოგებს შეხვდნენ. ამის შესახებ ინფორმაციას ქუთაისის მერია ავრცელებს.

მათივე ცნობით, ღონისძიება ქუთაისის სახელმწიფო ისტორიულ მუზეუმში გაიმართა.

ქუთაისის მერმა იოსებ ხახალეიშვილმა, მაჟორიტარმა დეპუტატმა ზაზა ლომინაძემ, ქუთაისის საგანმანათლებლო რესურს-ცენტრის ხელმძღვანელმა მაია ცქიტიშვილმა, საკრებულოს წევრმა ბექა ქებულაძემ მასწავლებლის ეროვნული დღე მიულოცეს და ფულადი ჯილდოები გადასცეს გამორჩეულ მასწავლებლებს.

„მასწავლებლობა ერთ-ერთი ყველაზე საპატიო, საპასუხისმგებლო და ღირსეული პროფესიაა. ქვეყნის მომავალი სკოლიდან, საკლასო ოთახებიდან იწყება.

ქვეყნისა და საზოგადოების განვითარების, ახალგაზრდების სახელმწიფოებრივად მოაზროვნე მოქალაქეებად ჩამოყალიბების საქმეში მთავარი როლი და ფუნქცია პედაგოგებს აკისრიათ.

ის ფაქტი, რომ ქუთაისელი მოსწავლეები საერთაშორისო ასპარეზზე მნიშვნელოვან წარმატებებს აღწევენ, უპირველესად მათი პედაგოგების დამსახურებაა. მადლობა მათ, ამ შრომისათვის. ადგილობრივი ხელისუფლების თანადგომა ყოველთვის ექნებათ.

კიდევ ერთხელ ვულოცავ მასწავლებლის ეროვნულ დღეს ჩვენს მასწავლებლებს!", - განაცხადა იოსებ ხახალეიშვილმა.

ღვაწლმოსილ და წარმატებულ მასწავლებელთა დაჯილდოება ქუთაისის მუნიციპალიტეტში ყოველწლიურად იმართება და ქუთაისის მერიის განათლების განყოფილების მიერ არის ორგანიზებული.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის