ამბროლაურის მუნიციპალიტეტის მერმა, ზვიად მხეიძემ მოადგილეებთან, სტრუქტურული ერთეულების ხელმძღვანელებთან და საკრებულოს თავმჯდომარის პირველ მოადგილესთან, დავით ხუციშვილთან ერთად, ღვაწლმოსილ, მრავალი თაობის აღმზრდელ რამდენიმე პედაგოგს, მასწავლებლის ეროვნული დღე პირადად მიულოცა და სიმბოლური საჩუქრები გადასცა.
ინფორმაციას ამბროლაურის მუნიციპალიტეტის მერია ავრცელებს.
მასწავლებლის ეროვნული დღე ყოველი წლის 27 ოქტომბერს, ქართველი პედაგოგის, მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის იაკობ გოგებაშვილის დაბადების დღეს აღინიშნება.
„აღნიშნულ თარიღთან დაკავშირებით ყოველწლიურად, საზოგადოებისა და განათლების სისტემის განვითარებაში შეტანილი განსაკუთრებული წვლილისთვის, ღვაწლმოსილ პედაგოგებს გადაეცემა მასწავლებლის ეროვნული პრემია, სპეციალურად შექმნილი სამკერდე ნიშანი და ფულადი ჯილდო 10 000 ლარის ოდენობით“, - აღნიშნულია ინფორმაციაში.