ზუგდიდის მერიამ წარმატებული პედაგოგები დააჯილდოვა

27 ოქტომბერი მასწავლებლის ეროვნული დღეა. ზუგდიდის ნიკოსეულ სასახლეში, მასწავლებლის ეროვნულ დღესთან დაკავშირებით ღონისძიება კამერულმა ორკესტრმა „ამადეუსი“ და კლასიკური გიტარის კვარტეტმა გახსნა.

ამის შესახებ ინფორმაციას ზუგდიდის მერია ავრცელებს.

მათივე ცნობით, ზუგდიდის მერმა მამუკა წოწერიამ, მოადგილეებთან ერთად, წარმატებულ პედაგოგებს მასწავლებლის ეროვნული დღე მიულოცა და მადლობის სიგელთან ერთად, ფულადი ჯილდო გადასცა.

მერმა მასწავლებლის ღვაწლზე და იმ სახელმწიფო პროგრამებზე ისაუბრა, რომელიც განათლების მიმართულებით ხორციელდება.

„მასწავლებლის დღეს ვულოცავ ყველა პედაგოგს. მასწავლებელი უმნიშვნელოვანეს პროფესიაა ჩვენი ქვეყნისთვის და სწორედ ამის მაგალითია დღევანდელი დღე. როგორც ცენტრალური ხელისუფლების , ასევე ადგილობრივი ხელისუფლების წარმომადგენლები ვცდილობთ გარკვეული წვლილი შევიტანოთ მათ წახალისებაში. ჩვენი ერთ-ერთი პროგრამის ფარგლებში, 57 წარმატებული პედაგოგი დავაჯილდოვეთ.

ძალიან მნიშვნელოვანია პრემიერის ინიციატივა, ხარისხიანი განათლების ხელმისაწვდომობის მიმართულებით, როგორც პროგრამული, ასევე ინფრასტრუქტურული განვითარების თვალსაზრისით. როგორც მოგეხსენებათ, საქართველოს პრემიერ-მინისტრის, ირაკლი ღარიბაშვილის ინიციატივით, თბილისსა და რეგიონებში აშენდება და რეაბილიტირდება 800 სკოლა. 1 მილიარდი ლარის ღირებულების პროექტი საგანმანათლებლო რესურსებზე თანაბარ ხელმისაწვდომობასა და მათ გაუმჯობესებას უზრუნველყოფს - პროექტით 230 000-ზე მეტი მოსწავლე ისარგებლებს. შედეგად, 2026 წლის ბოლოსთვის ყველა საჯარო ზოგადსაგანმანათლებლო დაწესებულება ინფრასტრუქტურულად გამართული იქნება. მშენებლობა-რეაბილიტაცია და აღჭურვა განხორციელდება თანამედროვე სტანდარტების შესაბამისად”, - აღნიშნა მამუკა წოწერია.

ღონისძიებას ადგილობრივი ხელისუფლების, პარტია „ქართული ოცნება-დემოკრატიული საქართველოს“, საგანმანათლებლო რესურსცენტრის წარმომადგენლები და პედაგოგები ესწრებოდნენ.

წარმატებული პედაგოგების დაჯილდოებას ზუგდიდის მერია 2015 წლიდან ახორციელებს.

ცნობისთვის, საქართველოს განათლებისა და მეცნიერების მინისტრის გიორგი ამილახვრის ინიციატივითა და საქართველოს მთავრობის გადაწყვეტილებით, 27 ოქტომბერი, იაკობ გოგებაშვილის დაბადების დღე მასწავლებლის ეროვნულ დღე გამოცხადდა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო