ვარიანში იაკობ გოგებაშვილის დაბადებიდან 183 წელი აღინიშნა

ვარიანში იაკობ გოგებაშვილის დაბადებიდან 183-ე იუბილე აღინიშნა. ამის შესახებ ინფორმაციას გორის მერია ავრცელებს.

მათივე ცნობით, საზოგადო მოღვაწისა და მწერლის მშობლიურ სოფელში, მისივე მუზეუმის მიმდებარე ტერიტორიაზე შეკრებილ მოსახლეობას დღესასწაული გორის მუნიციპალიტეტის მერის მოადგილესთან თამაზ შიოშვილთან ერთად გორისა და ატენის მიტროპოლიტმა მეუფე ანდრიამ, გორის მუნიციპალიტეტის საკრებულოს თავმჯდომარემ დავით რაზმაძემ და გორის საგანმანათლებლო რესურსცენტრის ხელმძღვანელმა ნანა ტერმაკოზაშვილმა მიულოცეს.

„სადღესასწაულო ტერიტორიაზე სტუმრებს შესაძლებლობა ჰქონდათ მოესმინათ მოსწავლეებისა და ადგილობრივი შემსრულებლების შემოქმედებისთვის, დაეთვალიერებინათ ფაცხები საშემოდგომო ნობათით და გაცნობოდნენ დედა ენის თემატიკის გათვალისწინებით მოწყობილ საჯარო სკოლების კუთხეებს.

„დედა ენის“ ავტორის იუბილე ყოველ წელს აღინიშნება. საქართველოში მეცნიერული პედაგოგიკის ფუძემდებელი, პუბლიცისტი და საბავშვო მწერალი იაკობ გოგებაშვილი ვარიანში 1840 წელს დაიბადა.

ღონისძიებები გორის მუნიციპალიტეტის მერიისა და ადგილობრივი საგანმანათლებლო რესურსცენტრის ორგანიზებით გაიმართა“, - აღნიშნულია ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო