ოზურგეთის საკრებულოს სხდომაზე ხმაური იყო

ოზურგეთის საკრებულოს სხდომაზე ხმაური იყო. სხდომის დაწყებისთანავე სიტყვიერი დაპირისპირება „ნაციონალური მოძრაობის“ დეპუტატის დავით მჟავანაძის განცხადებას მოჰყვა.

მისი თქმით, სოფელ ლიხაურში მდებარე ექვთიმე თაყაიშვილის სახელობის მუზეუმიდან ერთ-ერთი თანამშრომელი უკანონოდ იქნა განთავისუფლებული. მჟავანაძემ იმ მიზეზის დასახელება მოითხოვა, თუ რატომ მოხდა მისი დათხოვნა, რაზეც „ქართული ოცნების“ წევრებმა უპასუხეს, რომ კონკრეტული პირი კანონის სრული დაცვით გათავისუფლდა.

აღნიშნული დაპირისპირების შემდეგ სხდომა დროებით შეწყდა და დაახლოებით 40 წუთის დაგვიანებით განახლდა. ამასთან, სხდომას საქართველოს მესამე პრეზიდენტის მიხეილ სააკაშვილის წარმომადგენელი სოფო ჯაფარიძე ესწრებოდა, რომლის მიმართაც უმრავლესობის წევრების მხრიდან ისმოდა ბრალდებები. მათ ჯაფარიძეს შეახსენეს პროექტი „ღიმილიანი საქართველო“.

მერის მოადგილე გიორგი ღურჯუმელიძემ განაცხადა, რომ „ნაციონალური მოძრაობის“ წევრებმა საკრებულოს დარბაზში მოინდომეს ბრიფინგის ჩატარება, რისი უფლებაც არ მისცეს საკრებულოს წევრებმა და თავმჯდომარემ.

„ვინც გათავისუფლდა, გათავისუფლდა კანონის სრული დაცვით, განემარტა მიზეზები. ყველაფერი იყო ღია და გამჭვირვალე. ეს არ იყო დამალული პროცესი“, - განაცხადა მერის მოადგილე გიორგი ღურჯუმელიძემ.

ასევე, სხდომაზე დაპირისპირება „ნაციონალური მოძრაობის“ დეპუტატის თათია ნიკოლაშვილის განცხადებასაც მოჰყვა. მან ხელისუფლება უყურადღებობაში დაადანაშაულა.

„ნახევარი ოზურგეთი მეწყერსაშიშ ზონაშია და ადამიანები მიტოვებულები არიან ისე, რომ კონკრეტულ დასკვნებსაც არ აძლევთ. მაგალითად ნატანებში სახლი წაიღო მთლიანად, გვერდით მიქაძეების ოჯახი არის საფრთხეში და ამ ადამიანებს დასკვნაც კი არ მიეცით. ასევე ნატანებში ორივე სკოლა არის დანგრეული და სანამ ჭერი არ ჩამოექცათ ადამიანებს თავზე, იქამდე რეაგირება არ გქონდათ“, - განაცხადა თათია ნიკოლაშვილმა.

ამის შემდეგ საკრებულოს წევრებმა ბიუჯეტში შესატან ცვლილებებზე მსჯელობა დაიწყეს, თუმცა ოპოზიციამ სხდომა პროტესტის ნიშნად დატოვა.

გიორგი ბილანიშვილი - რუსეთს არც ერთ ფუნდამენტურ საკითხში საქართველოს მიმართებაში საკუთარი დამოკიდებულება ჩვენთვის სასარგებლოდ არ შეუცვლია, ხოლო საქართველოზე გავლენის ბერკეტები კი განიმტკიცა და გაზარდა
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
რატომ უნდა შეიძინოთ მშენებარე ბინა ნუცუბიძეზე?
26 ნოემბერს „ზეთისხილის მსოფლიო დღე“ აღინიშნა
„არქი მაიამი“ – დეველოპერული კომპანია „არქი“ ფლორიდის შტატში, მაიამისთან მულტიფუნქციურ კომპლექსს ააშენებს