ქუთაისი იუნესკოს შემოქმედებითი ქალაქების ქსელს ლიტერატურის მიმართულებით შეუერთდა

ქუთაისი იუნესკოს შემოქმედებითი ქალაქების ქსელს ლიტერატურის მიმართულებით შეუერთდა.

ამის შესახებ ინფორმაციას ქუთაისის მერია ავრცელებს.

მათივე ცნობით, იუნესკოს ეს გადაწყვეტილება 31 ოქტომბერს, მსოფლიო ქალაქების დღეზე გახდა ცნობილი.

„იუნესკოს შემოქმედებითი ქალაქების წევრობაზე მსოფლიოს მასშტაბით საკონკურსო განაცხადების მიღება ყოველწლიურად შემდეგი მიმართულებებით ცხადდება: რეწვა და ტრადიციული ხელოვნება, დიზაინი, კინო, გასტრონომია, ლიტერატურა, მედია ხელოვნება და მუსიკა.

აღნიშნულ განაცხადზე ქუთაისის ხედვა მის კულტურულ, ეკონომიკურ და სოციალურ ტრანსფორმაციას ეფუძნება ლიტერატურისა და ინოვაციური შემოქმედებითი პრაქტიკების გათვალისწინებით, რომელიც გაერთიანებული ერების მიერ შემუშავებული გლობალური მდგრადი განვითარების მიზნებთან და გამოწვევებთანაა თანხვედრაში.

ახალი სტატუსის თანახმად, მომდევნო 4 წლის განმავლობაში ქალაქის კულტურული დინამიკა ორიენტირებული იქნება ლიტერატურული პროცესებისა და სხვადასხვა ტიპის შემოქმედებითი თანამშრომლობების განვითარებაზე, სადაც საერთაშორისო გაცვლა და თანამშრომლობა გადამწყვეტ როლს შეასრულებს. აღნიშნული სტატუსის მინიჭება ქუთაისისთვის უდიდესი შანსია, რომ მდიდარ ლიტერატურულ ტრადიციაზე დაყრდნობით შექმნას სრულიად ახალი კულტურული იდენტობა.

დეტალურ ინფორმაციას ქალაქის ახალი სტატუსის შესახებ ქუთაისის მერია ფართო საზოგადოებას ახლო მომავალში გააცნობს“, - ნათქვამია გავრცელებულ ინფორმაციაში

ნატალი საბანაძე - ევროკავშირის გაფართოების საკითხი 15 დეკემბერს რომ ჩავარდეს, პუტინისთვის გადასარევი საახალწლო საჩუქარი იქნება - რთული სათქმელია, ორბანი პირდაპირ იღებს თუ არა დაკვეთებს, მაგრამ ფაქტია, რომ რუსეთთან რაღაც ინტერესების თანხვედრაა
ქართული პრესის მიმოხილვა 07.12.2023
კახა გოგოლაშვილი - გალის კონფლიქტების პრევენციის ფორმატი რუსეთს აფხაზეთსა და საქართველოს შორის სახმელეთო სატრანზიტო კორიდორის აღდგენისა და საქართველოსა და რუსეთს შორის ვაჭრობის გაზრდისთვის სჭირდება
თორნიკე კორძაია - „ლიბერთის“ მთავარი ძალა ჩვენიანებშია!
„ვისოლ ჯგუფმა“ დღეს ერთდროულად „საბვეის“ კიდევ 3 რესტორანი გახსნა
„ევექსის“ ბავშვთა ნეიროგანვითარების ცენტრი „კარავი“ გაიხსნა
ტექტო ჯგუფი: ISO სერტიფიკატის მფლობელი სამშენებლო კომპანია
ზუმერმა Trade-In წარადგინა