საბა ბუაძე - დღეს არის საზეიმო დღე და ამავდროულად დიდი პასუხისმგებლობაა - დიდი საშინაო დავალება გვაქვს შესასრულებელი და მთავარი დავალება იქნება 2024 წელს რუსეთის სამსახურში მყოფი ხელისუფლების პროევროპული კოალიციით ჩანაცვლება

ევროკომისიის მიერ, საქართველოსთვის კანდიდატის სტატუსის მინიჭების რეკომენდაცია არის ყველა იმ ადამიანის ღვაწლის აღიარება, ვინც ათწლეულების და კიდევ უფრო დიდი ხნის განმავლობაში ისწრაფოდა საქართველოსთვის ევროკავშირში კუთვნილი ადგილის დასაბრუნებლად , - ამის შესახებ “ლელოს” ერთ-ერთმა ლიდერმა, საბა ბუაძემ განაცხადა.

მისივე შეფასებით, დღეს არის მძიმე დღე საქართველოსთვის არაკეთილმოსურნეებისთვის.

“ევროკომისიის მიერ, საქართველოსთვის კანდიდატის სტატუსის მინიჭების რეკომენდაცია არის ისტორიული გადაწყვეტილება, სიმბოლურ დღეს, ილია ჭავჭავაძის დაბადების დღეს.

ეს არის ყველა იმ ადამიანის ღვაწლის აღიარება, ვინც ათწლეულების და კიდევ უფრო დიდი ხნის განმავლობაში ისწრაფოდა საქართველოსთვის ევროკავშირში კუთვნილი ადგილის დასაბრუნებლად. ამავდროულად, დღეს არის მძიმე დღე საქართველოს არაკეთილმოსურნეებისთვის, რომლებიც ამ პერიოდის განმავლობაში უპირისპირდებოდა ჩვენს ევროპულ პერსპექტივას. დღეს არის საზეიმო დღე და ამავდროულად დიდი პასუხისმგებლობაა, რადგან რეკომენდაცია არ ნიშნავს კანდიდატის სტატუსის მიღებას, არც კანდიდატის სტატუსი ნიშნავს ევროკავშირის წევრობას. დიდი საშინაო დავალება გვაქვს შესასრულებელი და მთავარი დავალება იქნება 2024 წელს რუსეთის სამსახურში მყოფი ხელისუფლების პროევროპული კოალიციით ჩანაცვლება”, - განაცხადა ბუაძემ.

გიორგი გობრონიძე - უკრაინაში გრძელვადიან მშვიდობაზე საუბარი ადრეა, დასავლეთში კი ბოლომდე არ არის გაცნობიერებული ის რისკები, რაც რუსეთიდან უკრაინის და ევროატლანტიკური უსაფრთხოების მიმართულებით მომდინარეობს
ქართული პრესის მიმოხილვა 15.05.2025
გაიზომე წნევა დღესვე - 17 მაისი ჰიპერტენზიასთან ბრძოლის საერთაშორისო დღეა
„სილქნეტის“ და „საქართველოს ბანკის“ ერთობლივი შეთავაზება sCool და Student ბარათის მფლობელებს