ჩვენ მტკიცედ ვუჭერთ მხარს საქართველოს ტერიტორიულ მთლიანობასა და სუვერენიტეტს და რა თქმა უნდა, არ ვეთანხმებით, რომ რუსეთმა სეპარატისტული ტერიტორიების სამხედრო ბაზების მოსაწყობად გამოყენება შეძლოს, - ამის შესახებ ნატო-ს გენერალურმა მდივანმა, იენს სტოლტენბერგმა ბრიუსელში განაცხადა, სადაც ის დღეს ევროკავშირის ქვეყნების თავდაცვის მინისტრების სამიტს დაესწრება.

ნატო-ს გენერალურ მდივანს დაუსვეს შეკითხვა, როგორ აფასებს რუსეთის გეგმას, ოკუპირებულ აფხაზეთში სამხედრო-საზღვაო ბაზის განთავსებასთან დაკავშირებით.

„რუსეთის მიერ სეპარატისტული ტერიტორიების სამხედრო ბაზების მოსაწყობად გამოყენება კიდევ ერთხელ არღვევს საქართველოს ტერიტორიულ მთლიანობას და სუვერენიტეტს და აჩვენებს იმას, თუ რამდენად შორს სურს რუსეთს წასვლა იმისთვის, რომ მიაღწიოს სამხედრო მიზნებს უკრაინაში. მაგრამ, ასევე, რეალურად, ისინი თავდაცვაზე გადაიყვანეს, რადგან უკრაინელებმა, რეალურად, მიაღწიეს წარმატებას ყირიმში სამხედრო-საზღვაო ობიექტებზე თავდასხმაში და ამიტომ რუსეთი ეძებს ალტერნატივებს“, - აღნიშნა სტოლტენბერგმა.