იურიდიული ფირმა BLB - სულხან პაპაშვილის მიმართ უკრაინის სახელმწიფოს მიერ სანქციების გამოყენება ცრუ ინფორმაციაა

ერთ-ერთი პოლიტიკური პარტიის ბრიფინგზე დღეს საჯაროდ გამოითქვა ჩვენი იურიდიული ფირმის კლიენტის, ბატონი სულხან პაპაშვილის წინააღმდეგ ყალბი და ცილისმწამებლური ინფორმაცია, რომელიც, სამწუხაროდ, ყოველგვარი გადამოწმების გარეშე ხმაურიანი სათაურებით გაშუქდა ქართული მედიის საშაულებებით.

ხაზგასმით ვაცხადებთ, რომ ბატონი სულხან პაპაშვილი არ არის სანქცირებული უკრაინის და ან რომელიმე სხვა სახელმწიფოს მიერ.

მოვუწოდებთ ცრუ განცხადების ინიციატორ და სხვა პოლიტიკურ პარტიებს, სათანადო პასუხისმგებლობით და სიფრთხილით მოეკიდონ ყალბი, გადაუმოწმებელი, პატივის, ღირსების და საქმიანი რეპუტაციის დამაზიანებელი ინფორმაციის გავრცელებას. ასევე მოვუწოდებთ მედიის საშუალებებს, ნუ მოახდენენ პოლიტიკოსების მიერ გავრცლებული ყალბი ფაქტების კოპირებას და მათი ამ ფორმით გავრცელებას.

ვვარაუდობთ, რომ ბატონი პაპაშვილის მიმართ ვითომდა უკრაინული სანქციების დაწესების თემით მანიპულირება უკავშირდება წელიწადზე მეტი ხნის წინ, სხვადასხვა ინტერესების ზეგავლენით ერთ-ერთ უკრაინულ პორტალზე განთავსებულ ინფორმაციას, რომლის თაობაზეც ჩვენ გავავრცელეთ საჯარო განცხადება 2022 წლის სექტემბერში: https://www.interpressnews.ge/ka/article/725888-iuridiuli-pirma-blb-sulxan-papashvils-ara-akvs-da-arc-carsulshi-hkonia-raime-kavshiri-rusul-biznestan/

მითითებულ ინტერნეტ-პორტალზე ბატონ პაპაშვილთან დაკავშირებული ინფორმაციის უზუსტობებსა და აბსურდულობასთან დაკავშირებით არც ამჟამად ვაპირებთ ოპონირებას, თუმცა აღვნიშნავთ, რომ ვაწარმოებთ სამართლებრივ პროცესს ამ ყალბი ინფორმაციის მითითებულ ინტერნეტ-პორტალზე მოხვედრის ინიციატორების გამოვლენისა და რეაგირების მიზნით.

ჩვენ და ჩვენს კლიენტს მიგვაჩნია, რომ საერთაშორისო სანქციები არის უკრაინაში მიმდინარე უკანონო ომის შეჩერების ერთ-ერთი ეფექტური და სამართლიანი საშუალება. ამიტომ ნებისმიერი არაკომპეტენტური და ცილისმწამებლური ინფორმაციის გავრცელება და დაკავშირება ამ პროცესთან, მნიშნელოვნად აზიანებს თავად ამ პროცესს და საერთაშორისო სანქციების მიმართ ქართული საზოგადოების და პროფესიონალების ნდობას. ეს კი მხოლოდ ჩვენი ქვეყნის არაკეთილმოსურნეების ინტერესებში შედის.

არც უკრაინაში და არც რომელიმე სხვა ქვეყანაში ფიზიკური თუ იურიდიული პირების რაიმე სახით სანქცირება არ ხდება ინტერნეტ-პორტალების მიერ და ვერც ამ შემთხვევაში მოხდებოდა. უკრაინაში სანქციების გამოყენებაზე გადაწყვეტილებას იღებს უკარაინის ეროვნული უსაფრთხოებისა და თავდაცვის საბჭო, რომელსაც არასოდეს მიუღია რაიმე გადაწყვეტილება ბატონი პაპაშვილის მიმართ უკრაინაში რაიმე სახის სანქციების/აკრძალვების დაწესებასთან დაკავშირებით.

იურიდიული ფირმა BLB

კახა შარაბიძე, მმართველი პარტნიორი

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი