ბორჯომის ცენტრალურ პარკში, ჩეხი ექიმის და საზოგადო მოღვაწის იან პრიბილის მემორიალური დაფა გაიხსნა

ჩეხეთის სათვისტომოს ინიციატივითა და ბორჯომის მუნიციპალიტეტის და ჩეხეთის საელჩოს ორგანიზებით, ბორჯომის ცენტრალურ (ისტორიულ) პარკში, ჩეხი ექიმის და საზოგადო მოღვაწის იან (ივანე) პრიბილის მემორიალური დაფა გაიხსნა. ინფორმაციას ბორჯომის მუნიციპალიტეტის მერია ვრცელებს.

მათივე ცნობით, მემორიალური დაფის გახსნის ცერემონიას, ბორჯომის მუნიციპალიტეტის მერი ოთარ არბოლიშვილი, საკრებულოს თავმჯდომარე დავით ზაალიშვილი, ჩეხეთის რესპუბლიკის ახალი ელჩი საქართველოში პეტრ კუბერნატი, სათვისტომოს წარმომადგენლები, იან (ივანე) პრიბილის შთამოვალი და საზოგადოების წევრები ესწრებოდნენ.

ბორჯომის მერის, ოთარ არბოლიშვილის განცხადებით, იან (ივანე) პრიბილის სახელი XIX საუკუნეში თბილისში, ისნის რაიონში, პირველი სამხედრო ჰოსპიტალის მშენებლობას და კურორტოლოგიის დარგის განვითარებას უკავშირდება. იან პრიბილმა საქართველოში 50 წელზე მეტი იცხოვრა, ქართული ენა შეისწავლა და საზოგადოებრივ საქმიანობას ეწეოდა.

„ბორჯომის პარკში დამსახურებული და ცნობილი ჩეხი ექიმის, იან პრიბილის, მემორიალური დაფა გავხსენით. იან პრიბილის სახელს ქართული კურორტოლოგიის ჩამოყალიბება და პირველი სამხედრო ჰოსპიტლის დაარსება უკავშირდება. მან ბორჯომის ბალნეოლოგიის განვითარებაში დიდი წვლილი შეიტანა", - განაცხადა ბორჯომის მერმა.

„ბორჯომის მუნიციპალიტეტის მერმა ოთარ არბოლიშვილმა, საკრებულოს თავმჯდომარემ დავით ზაალიშვილმა, ჩეხეთის რესპუბლიკის ელჩმა პეტრ კუბერნატმა და საზოგადოების წევრებმა ღონისძიებაზე დამსწრე საზოგადოებას სიტყვით მიმართეს და იან (ივანე) პრიბილის ცხოვრებისა და საქმიანობის შესახებ ისაუბრეს.

ღონისძიების დასასრულს ოთარ არბოლიშვილმა და პეტრ კუბერნატმა იან პრიბილის მემორიალური დაფა საზეიმოდ გახსნეს.

ივანე პრობილი იყო მედიცინის დოქტორი, ქირურგი. მან განათლება ჯერ პრაღაში და შემდეგ ვენაში მიიღო. ამის შემდეგ სამუშაოდ რუსეთში გაემგზავრა, საიდანაც საქართველოში ერთ-ერთი პოლკის ექიმად გამოაგზავნეს. ივან პრიბილის სახელთან არის დაკავშირებული საქართველოს ბალნეო-კლიმატურ (ახტალა, ბორჯომი, აბასთუმანი) სიმდიდრეთა ათვისება. მან ჩაუყარა საფუძველი ქართულ კურორტოლოგიას. მანვე დააარსა თბილისში პირველი სამხედრო ჰოსპიტალი, რომლის მთავარი ექიმიც თავად იყო. იყო კავკასიის სამედიცინო საზოგადოებისა და პეტერბურგის ექიმთა საზოგადოების საპატიო წევრი, შავი ჭირისა და ქოლერის წინააღმდეგ ბრძოლის კომისიის თავმჯდომარე“, - აღნიშნულია გავრცელებულ ინფორმაციაში.

ავთანდილ წულაძე  - გერმანიის ექსპერტებმა მოამზადეს მოხსენება, რომლის მიხედვითაც გერმანია ტოტალურად უნდა მოემზადოს რუსეთისაგან თავის დასაცავად
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 27.11.2023
რატომ უნდა შეიძინოთ მშენებარე ბინა ნუცუბიძეზე?
26 ნოემბერს „ზეთისხილის მსოფლიო დღე“ აღინიშნა
„არქი მაიამი“ – დეველოპერული კომპანია „არქი“ ფლორიდის შტატში, მაიამისთან მულტიფუნქციურ კომპლექსს ააშენებს
გაიცანით Kreston Georgia: გლობალური ექსპერტიზა გლობალური წარმატებისთვის
თიბისის მხარდაჭერით, კოლიერსი საგურამოში და ლისზე საცხოვრებელ პროექტებს განახორციელებს
საქართველოში „The Luxury Collection“-ის კლასის სასტუმრო „პარაგრაფ თბილისი“ გაიხსნა
ახალი Toyota C-HR: ავტომობილი, რომელსაც საქართველოში ბევრი ელოდება
ვალუტის გადარიცხვის ახალი სერვისი - Visa B2B Connect
Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს