მძევლების დაბრუნება მორალური და ეთიკური მოვალეობაა, - ამის შესახებ ისრაელის პრეზიდენტმა, იცხაკ ჰერცოგმა განაცხადა.

მისი თქმით, მხარს უჭერს მძევლების გათავისუფლების შესახებ შეთანხმებას, მაგრამ აღიარებს, რომ შეთანხმებასთან დაკავშირებით „გასაგები და მტკივნეული ეჭვები არსებობს“.

„ეს არის მორალური და ეთიკური მოვალეობა, რომელიც ზუსტად გამოხატავს ებრაულ და ისრაელის ღირებულებებს მძევლების დაბრუნების შესახებ და ვიმედოვნებ, რომ ეს პირველი მნიშვნელოვანი ნაბიჯი იქნება ყველა მძევლის სახლში დასაბრუნებლად.

ისრაელის სახელმწიფო, ისრაელის თავდაცვისა და უსაფრთხოების ძალები ყველაფერს გააკეთებენ მძევლების სახლებში დასაბრუნებლად, პარალელურად კი, ისრაელის მოქალაქეების სრულ უსაფრთხოებას აღადგენენ“, - აღნიშნა ჰერცოგმა.