სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა

თბილისის სამხედრო ატაშეთა ასოციაციამ, ლისის ტბაზე, „დაჭრილ მებრძოლთა თანადგომის ფონდის“ მხარდასაჭერად, საქველმოქმედო მარათონი გამართა. საქველმოქმედო გარბენს არასამთავრობო ორგანიზაციები, საელჩოების წარმომადგენლები, სხვადასხვა მოხალისე ორგანიზაციები, საქართველოს ტერიტორიული მთლიანობისათვის ბრძოლებში და საერთაშორისო სამშვიდობო მისიებში დაჭრილი სამხედრო მოსამსახურეები შეუერთდნენ.

„ესაა პატივისცემის გამოხატვა. ჩვენ გვსურს შევახსენოთ საზოგადოებას, რომ გვყავს ხალხი, რომელმაც ბევრი მამაცური საქმე გააკეთა სამშობლოსთვის. „დაჭრილ მებრძოლთა თანადგომის ფონდის“ არსებობა მნიშვნელოვანია ნებისმიერი ქვეყნისთვის, განსაკუთრებით ისეთი ქვეყნისთვის, როგორიც საქართველოა . ფონდი მნიშვნელოვან საქმეს აკეთებს. ის ყოველწლიურად მრავალი ღონისძიებას ატარებს.ფონდი საქველმოქმედო მიზნებისთვის თანხას იძიებს და ცნობიერების ამაღლებას უწყობს ხელს“, - განაცხადა აშშ-ს სამხედრო ატაშემ საქართველოში რეთ კრისტენსენმა.

საქველმოქმედო მარათონისთვის, მონაწილეთა მხრიდან, თანხებიც შეგროვდა, რომელიც სრულად გადაირიცხა "დაჭრილ მებრძოლთა თანადგომის ფონდში".

„ჩვენ უნდა შევახსენოთ საზოგადოებას, მთელ ქვეყანას და არა მხოლოდ მათ, ვინც თავდაცვის ძალებშია გაწევრებული, რომ ისინი, ვინც მსახურობენ და კვლავაც იმსახურებენ, არასოდეს იქნებიან დავიწყებულნი“, - განაცხადა ლიეტუვის სამხედრო ატაშემ საქართველოში დონატას რუპშისმა.

„დაჭრილ მებრძოლთა თანადგომის ფონდი“, რომლის გარშემოც გაერთიანდნენ მარათონის მონაწილეები, 2018 წელს კომპანია სილქნეტმა დააფუძნა. ფონდის ბენეფიციართა რიცხვი რამდენიმე ასეულს უტოლდება. დაშავებულ სამხედრო მოსამსახურეების, მათი ოჯახის წევრების სამედიცინო, სარეაბილიტაციო და სხვა საჭიროებებს ხმარდება ფონდში განხორციელებული თითოეული დონაცია. დღეის მდგომარეობით, ფონდის სახსრებიდან 2,226,643.95 ლარია დახარჯული. სილქნეტის თანამონაწილეობა 1 300 000 ლარით განისაზღვრება.

როგორც კომპანიაში განმარტავენ, საქველმოქმედო მარათონი და მსგავსი მხარდამჭერი აქციები, თანადგომის საუკეთესო მაგალითია და ხელს უწყობენ ცნობიერების ამაღლებას.

დაინტერესებულ საზოგადოებას შეუძლია თვალი ადევნოს ფონდის საქმიანობას საიტზე wwsf.ge. ფონდის საქველმოქმედო ნომერია - 0 091 777 771. ზარის ღირებულება 1 ლარია.

(R)

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას