ინდონეზიაში ვულკანის ამოფრქვევის შედეგად 11 მთამსვლელი დაიღუპა
ინდონეზიაში კუნძულ სუმატრას დასავლეთ ნაწილში ვულკან მარაპის ამოფრქვევის შედეგად 12 მთამსვლელი დაიღუპა, - ინფორმაციას Reuters-ი ავრცელებს.
სააგენტოს ცნობით, 12 დაკარგულის ძებნა, უსაფრთხოების მიზნით, დროებით შეჩერებულია.
მაშველებმა 49 მთამსვლელი ევაკუირება განახორციელეს, მათ ნაწილს, მიღებული დამწვრობის გამო, მკურნალობა დასჭირდა.
მარაპი სუმატრაზე ერთ-ერთი ყველაზე აქტიური ვულკანია. 1979 წლის აპრილში მის ამოფრქვევას 60 ადამიანი ემსხვერპლა.
