ნიგერიაში უპილოტო საფრენი აპარატით თავდასხმის შედეგად 85 ადამიანი დაიღუპა, პრეზიდენტი გამოძიებას მოითხოვს.

ამის შესახებ ინფორმაციას სააგენტო Reuters-ი ავრცელებს.

„პრეზიდენტი ინციდენტის საფუძვლიან და სრულფასოვან გამოძიებას ხელმძღვანელობს და სანამ ხელისუფლება გულმოდგინედ შეისწავლის ამ უბედურ შემთხვევას, იგი მოსახლეობას სიმშვიდისკენ მოუწოდებს“, - განაცხადა ნიგერიის პრეზიდენტის წარმომადგენელმა აჯური ნიჟელალემ.

ნიგერიის ჩრდილოეთ კადუნას შტატის საგანგებო სიტუაციების სააგენტომ განაცხადა, რომ შაბათ-კვირას განხორციელებულ თავდასხმას მინიმუმ 85 ადამიანის სიცოცხლე ემსხვერპლა, ხოლო ძებნა ჯერ კიდევ გრძელდება.

ნიგერიის არმიას მომხდარზე კომენტარი ჯერ არ გაუკეთებია, მაგრამ საჰაერო ძალებმა იმ მისიაში მონაწილეობა უარყო, რამაც თავდასხმა გამოიწვია.